אין די יעצטיגע אווענט שטונדן אין ארץ ישראל, איז כ"ק אדמו"ר מראחמיסטריווקא שליט"א ערווארטעט ארויסצופארן אויף א בליץ באזוך קיין ניו יארק, וואו דער רבי איז וועט זיך אויפצוהאלטן פאר בלויז צוויי טעג, איידער דער רבי שליט"א וועט זיך אומקערן אהיים למעון קדשו אין ירושלים.
דעם רבינ'ס נסיעה איז געווידמעט מקיים צו זיין די מצוה פון ניחום אבלים, בבית הנגיד החסיד ר' מרדכי פארהאנד הי"ו פון די גאר נאנטע מקורבים ביים רבי'ן ומגדולי התומכים, וועלכער זיצט שבעה בעמק הבכא ל"ע נאך די פריהצייטיגע פטירה פון זיין זון הרב החסיד ר' נפתלי משה פארהאנד ע"ה פון לעיקוואד.
הרב החסיד ר' נפתלי משה ע"ה וועלכער איז געווען פון די גרויסע עסקנים אין די חסידישע לעיקוואד, האט ממשיך געווען מנהג אביו החשוב צו שטיין לימין קדשו פון כ"ק אדמו"ר מראחמיסטריווקא שליט"א, צו מיטן אליינס געבן גרויסע סכומים להחזקת המוסדות אדער מיטן שאפן געלט פון אנדערע. ליידער איז ער נפטר געווארן אין בליענדן עלטער פון פיר און פופציג יאר, לדאבון לב ידידיו ומכיריו וכל משפחתו.
