דעם פרייטאג נאכמיטאג איז כ"ק אדמו"ר מסאטמאר שליט"א אריינגעפארן צו די עלענוויל רידזשענעל שפיטאל אין די קאנטרי בערג, נאך וואס דער רבי האט זיך נישט גוט געשפירט זייענדיג בביתו נאוה קודש אין מחנה דברי יואל ד'סאטמאר אין סוואן לעיק.
די ארטיגע דאקטוירים האבן דורכגעפירט א רייע אונטערזוכונגען אין שפיטאל און באשטעטיגט ב"ה אז דער רבי איז אין א גוטע צושטאנד, נאר דארף זיך פשוט אפרוען זייענדיג אפגעשוואכט צוליב א מעדיצינישע דורכגאנג.
זייענדיג אין עלענוויל נאנט צום זמן כניסת השבת, האבן די עסקנים אין די סאטמארע קעמפ מחנה יהודה אין נעפאנעק, וואס געפונט זיך נישט ווייט פון די שפיטאל, אנגעהויבן צושטעלן אלע באדערפענישן וואס פעלט זיך אויס, אין פאל דער רבי וועט זיין אויף שבת אין זייער געגנווארט, בחסדי ה' האט עס אבער נישט אויסגעפעלט, ווען דער רבי איז באפרייט געווארן פון שפיטאל א קורצע צייט פארן זמן, און אהיימפארן קיין מחנה דברי יואל אין סוואן לעיק מיט פאליצייאישע באגלייטונג.
