קומענדיגע וואך דאנערשטאג וועט די אידישע געמיינדע אין שיקאגא זוכה זיין צו מקבל פנים זיין צוויי חשובע אדמורי"ם פון ניו יארק, די שוואגערס כ"ק אדמו"ר מבאבוב 45 שליט"א און כ"ק אדמו"ר מראחמיסטריווקא שליט"א, וועלכע וועלן אנקומען אויף א בליץ באזוך אין שטאט צו באשיינען א משפחה שמחה.
די רעדע איז פון די שמחת החתונה פון די כלה א טאכטער ביי הגה"צ ר' משה יוסף אונגער שליט"א אבד"ק ווייטצען שיקאגא, זון פון כ"ק אדמו"ר מדאמבראווא זצ"ל, און איידעם ביי הגה"ק מווייטצען זצ"ל, מיט די חתן א זון פון הגה"צ ר' יהושע אשר ווייסבלום שליט"א אבד"ק סערצין, די חתונה קומט פאר דאנערשטאג וירא אין די עטרת אילה זאל אין שיקאגא, בעיר מושבו פונעם אבי הכלה.
לכבוד די שמחה וועלן די צוויי גרויסע רבי'ס פון בארא פארק, כ"ק אדמו"ר מבאבוב 45 א ברודער מיטן מחותן, און כ"ק אדמו"ר מראחמיסטריווקא א שוואגער מיטן מחותן, אינאיינעם אונטערנעמען דעם נסיעה קיין שיקאגא צו באשיינען די שמחה, און גלייכצייטיג משפיע זיין פונדערנאנט אויף די ארטיגע אידישע קהילה.
