בחצר הקודש וויזניץ אין בית שמש גרייט מען זיך אצינד אויף א ספעציעלע כינוס, וואו עס וועט ווערן אוועקגעשטעלט א יסוד פאר די נייע ישוב פון חסידי וויזניץ בית שמש אין שטאט עמנואל, וואו עס האבן זיך אין די לעצטע פאר יאר אריבערגעצויגן הונדערטער חסידישע משפחות, און פילצאליגע קהילות הקודש אין ארץ ישראל האבן שוין געעפנט דארט בתי מדרשים און מוסדות התורה.
די כינוס וועט פארקומען דעם מיטוואך פרשת תולדות אין ביהמ"ד הגדול היכל נחום דחסידי וויזניץ אין בית שמש, אין שפיץ פון כ"ק אדמו"ר מוויזניץ שליט"א פון בית שמש, וועלכער שטייט אין שפיץ פון די נאכאנאנדע עסקנות דורך די קהילה צוצושטעלן עפארדעבל דירות פאר די אינגעלייט, זיך צו קענען איינהאנדלען א אייגענע דירה פאר ביליג.
