קומענדיגע זונטאג איז ערווארטעט א גרויסער פאליטישער גאסט אין שיכון סקווירא, ווען דער הויכראנגיגער קאנגרעס ספיקער מייק דזשאנסאן, וועט באזוכן בביתו נאוה קודש פון כ"ק אדמו"ר מסקווירא שליט"א, אין צוזאמענהאנג מיט א רייע באזוכן וואס ער פלאנט אפצוהאלטן אין די אומגעגנט דורכאויס די טאג.
דער קאנגרעס ספיקער מייק דזשאנסאן וועלכער איז דער דריטער מאכטפולסטער פערזאן אין די פאראייניגטע שטאטן, האט שוין עטליכע מאל באזוכט ביי כ"ק אדמו"ר מסקווירא שליט"א, און איז שוין אין די נישט ווייטע פארגאנגענהייט אויפגענומען געווארן בכבוד הראוי דורך די טויזענטער חסידים ביי א גרויסע אויפנאמע.
דעם זונטאג פרשת וישב איז דער קאנגרעס ספיקער ערווארטעט אויף א באזוך אין ראקלענד קאונטי, וואו ער וועט אויפטרעטן ביי א רייע פארזאמלונגען דורך רעפאבליקאנער קאנדידאטן, קאנגרעסמאן מייק לאולער און נאך אנדערע, מיטן פלאן צו זיין אין די געגנט איז אראנדזשירט געווארן א ספעציעלע באגעגעניש וואס דער קאנגרעס ספיקער וועט אפהאלטן אין סקווירא שטעטל, און באזוכן אין שטוב פון כ"ק אדמו"ר מסקווירא שליט"א.
