היינט קומט פאר די גרויסע מעמד חנוכת הבית פאר די נייע ביהמ"ד אמרי מנחם אלכסנדר אין בארא פארק, אין שפיץ פון כ"ק אדמו"ר מאלכסנדר שליט"א וועלכער איז ספעציעל געקומען צו פארן קיין ניו יארק באשיינען די פרייליכע חגיגה אינאיינעם מיט פילע חסידים פון איבער די וועלט, צוערשט וועט פארקומען די מעמד הכנסת שני ספרי תורה נדבת משפחת טיבערג שיחי', און דערנאך וועט פארקומען די סעודה לגומרה של תורה און חגיגת חנוכת הבית אין די זאלן פון עטרת חי', אינאיינעם מיט די סעודת הילולא לרגל די יארצייט פון הרה"ק בעל אמונת משה מאלכסנדר זי"ע.
כ"ק אדמו"ר מבאבוב שליט"א לאזט זיך היינט ארויס אויף א געהויבענע מסע הקודש קיין אנטווערפן, צום ערשטן מאל נאכן איבערנעמען די כתר האדמורו"ת, צו באשיינען א רייע מעמדים ברוב עם און מחזק זיין קהל חסידיו תושבי העיר.
הגה"צ ר' אהרן מרדכי רוקח שליט"א לאזט זיך היינט ארויס אויף א נסיעה צו די מקומות הקדושים אין אייראפע, אין באגלייטונג פון א קבוצה נגידים ותומכים נושאי הממלכה פון מרכז מוסדות בעלזא, לקראת די שמחת החתונה בחצר הקודש בעלזא וואס קומט פאר קומענדיגן חודש סיון הבעל"ט.
היינט קומט פאר די שמחת השבע ברכות פונעם עלטסטן אייניקל ביים ראש הישיבה הגאון הגדול רבי שאול אלתר שליט"א, די כלה א טאכטער פון זיין זון הגה"צ ר' אברהם מרדכי אלתר שליט"א, מיט די חתן א זון פון הרב ישראל פנחס גלוזמאן שליט"א. – די שמחת השבע ברכות קומט פאר אין די בית ישראל זאל אין ירושלים, אינאיינעם מיט די סעודת הילולא לרגל די יומא דהילולא קדישא פון הרה"ק בעל חידושי הרי"ם מגור זי"ע.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד הגדול אין קרית יואל, נדבת הרב החסיד ר' שלמה וויינבערגער הי"ו, אין שפיץ פון כ"ק אדמו"ר מסאטמאר שליט"א, די סעודה לכבודה של תורה קומט פאר אין זאל קרן ויואל משה אין קרית יואל.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד קהל עדת קאשוי אויף ראסס סטריט אין וויליאמסבורג, נדבת הרב החסיד ר' יצחק משה זיכערמאן הי"ו לאנגיעריגער משב"ק פון אדמור"י בית קאשוי זי"ע, די סעודה לגומרה של תורה קומט פאר אין זאל כתר ריזל אין וויליאמסבורג.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד ברך משה דקהל יטב לב ד'סאטמאר אין לאנדאן, נדבת הרב החסיד ר' חיים אברהם שמאיע הי"ו מגדולי עסקני הקהילה.
צו די פטירה פון הרבנית מקאסאן לעיקוואד ע"ה, אשת חבר כ"ק אדמו"ר מקאסאן לעיקוואד שליט"א, זיצן שבעה די בני המשפחה בביתו נאוה קודש פונעם רבי'ן שליט"א אויף ברעדהארסט עוועניו אין לעיקוואד. דער ברודער כ"ק אדמו"ר מדעעש שליט"א זיצט שבעה בביתו נאוה קודש אויף רחוב רבי טרפון אין בני ברק, דער ברודער כ"ק אדמו"ר מדעעש שליט"א פון וומס"ב און די אנדערע ברידער הרבנים שליט"א, זיצן שבעה היינט זונטאג אין ביהמ"ד כנסת יחזקאל דעעש אויף ראסס סטריט אין וויליאמסבורג.
אריינצושיקן מודעות און נייעס, שיקט אן אימעיל צו NEWS@JDNMAIL.COM
