א ריזן מחאה איז געפלאנט אויף דעם זונטאג כ"ד סיון אויף די גאסן פון ירושלים עיה"ק בפלטרין של מלך, וואו צענדליגע טויזענטער אידן זענען ערווארטעט ארויסצוקומען לרחובה של עיר אויסצושרייען א וויי געשריי קעגן די שרעקליכע גזירת הגיוס, וואס איז אין די לעצטערע טעג ערנסט פארשארפט געווארן דורך די שונאי הדת.
די מחאה איז פאררופן געווארן על פי קריאת הקודש פון די שרי התורה חברי ביד"ץ העדה החרדית, אינאיינעם מיט צענדליגע גדולי ישראל, חסידישע רבי'ס און ליטווישע ראשי ישיבות, די ספרד'ישע הנהגה און נאך פילע שיכטן און קרייזן וואס וועלן זיך צונויפנעמען אויף א געמיינזאמע עצרת מחאה און מתפלל זיין ביים בורא כל עולמים לביטול רוע הגזירה.
די מעמד וועט פארקומען זעקס אזייגער נאכמיטאג ביי כיכר זופניק אין ירושלים, מען וועט הערן דרשות התעוררות און זאגן פרקי תהלים און סליחות.
