היינט איז געמאלדן געווארן פאר אלפי חסידי גור בארץ הקודש, אז ווידעראמאל וועלן די טויזענטער חסידים זיך פאראייניגן אויף אן עצרת תפילה ומחאה פארנט פון די מיליטערישע טורמע נומער 10 אין ארץ ישראל, אין שפיץ פון כ"ק אדמו"ר מגור שליט"א, ווען א חשובער בחור מחסידי גור איז ליידער איינגעשפארט אין טורמע פארן זיך נישט שטעלן צום מיליטער.
מיט צוויי וואכן צוריק האבן אלפי חסידי גור שווארץ געמאכט די ריזן שטח פארנט פון די מיליטערישע טורמע, ביים גרויסן עצרת תפלה ומחאה אין ליכט פון די ארעסט אויף א גערער חסיד, די עצרת האט געהאט א ווייטגרייכנדע אפעקט ווען בלויז איין טאג דערויף איז דער חסיד באפרייט געווארן פון טורמע.
נאך וואס פארגאנגענע וואך האט מען ארעסטירט נאך צוויי גערער חסידים, האבן די עסקנים דורכגעטון די אפציעס בהכוונתו פון כ"ק אדמו"ר מגור שליט"א, און היינט נאכמיטאג איז באשטעטיגט געווארן אז מען וועט ווידער ארויסגיין אויף א גרויסן עצרת תפלה ומחאה פארנט פון די מיליטערישע טורמע, באשטימט אויף מארגן מאנטאג אויפדערנאכט, וואו מען וועט דאווענען מעריב און זאגן תהלים, און הערן דברי התעוררות לאור המצב.
