אין ארץ ישראל גייט ווייטער אן די העפטיגע מערכה קעגן די שונאי ישראל איבער די לעצטיגע אויפשטייג פון די שרעקליכע רדיפות וואס זיי טיילן אויס פאר די היימישע אידן אין ליכט פון די גזירת הגיוס, און אומ-אויפהערליך קומען פאר פארשידענע פראטעסטן איבער דאס לאנד.
אין א פרישע מחאה פרואוו זענען זיך היינט צוזאם געקומען פארנט פון די משרד המשפטים הונדערטע כולל אינגעלייט וועלכע לערנען אין די וויזניצער כולל, און האבן אויפגעשטעלט א כולל אויפן ארט וואו זיי האבן זיך געזעצט לערנען מיט א זעלטענע פלייס און התמדה בתורה מיטן ציל צו אפשטעלן די ביטערע גזירה פון ארעסטירן חרדי'שע בחורים און זיי צווינגן זיך צו שטעלן צום מיליטער.
די קול תורה וואס הילכט אפ פארנט פון די משרד המשפטים, וואו אלע ביטערע גזירת ווערן באשטעטיגט, האט אפגעקלינגען אינעם גאנצן לאנד און עס ווייזט זיך ארויס אז קיינער וועט נישט קענען בייקומען די אידישע קינדער און אונז אפהאלטן פון דינען דעם בורא יתברך.
