חסידי סאדיגורא וואונטשן זיך מזל טוב לכבוד די גרויסע שמחה אין הויף, ווען היינט דינסטאג נאכמיטאג איז געבוירן געווארן א יונגעלע ביים רועה נאמן כ"ק אדמו"ר מסאדיגורא שליט"א, זייענדיג דאס דריטע זון ביים רבי'ן און די פיפטע קינד אין די משפחת המלוכה.
די געהויבענע ימי השמחה וועט זיך אנהייבן דעם שבת קודש פרשת ואתחנן נחמו, ווען עס וועט געפראוועט ווערן די שמחת השלום זכר ביים עריכת שולה"ט דורכ'ן רבי'ן אין די גרויסע סאלאש נעבן ביהמ"ד הגדול סאדיגורא אין בני ברק. עס וועט נאכפאלגן מיט די שמחת הוואכנאכט מאנטאג נאכט, און די שמחת הברית קומענדיגן דינסטאג פרשת עקב אינדערפרי אין ביהמ"ד הגדול סאדיגורא.
די ימי השמחה וועט נאכפאלגן מיט די ימי ההילולא קדישא, שטייענדיג שוין סמוך ונראה צום יומא דהילולא קדישא פון כ"ק אדמו"ר מסאדיגורא זצ"ל בעל עטרת ישראל, וואס געפאלט קומענדיגן זונטאג פרשת ראה י"ט אב, שבת בעפאר די הילולא קדישא שבת פרשת עקב וועט ווידער פארקומען א גרויסן שבת אין סאדיגורא הויף שטייענדיג ערב די יארצייט.
היינט נאכמיטאג וועט כ"ק אדמו"ר מסאדיגורא שליט"א אריינקומען אויף תפילת מנחה און מעריב ביים זמן אין ביהמ"ד הגדול סאדיגורא, און דערנאך וועלן די חסידים האבן די געלעגנהייט אריבערצוגיין ביים רבי'ן וואונטשן מזל טוב.
