היינט כ"ו אב ביומא דהילולא קדישא פון כ"ק אדמו"ר הרה"ק מסאטמאר זי"ע, וועט ממשיך דרכו בקודש כ"ק אדמו"ר מסאטמאר שליט"א ארויפגיין צום ציון הק' אין קרית יואל אין די מיטאג שעה'ן, און שפעטער פארנאכטס אפרעכטן די צענטראלע יארצייט טיש און סיום הש"ס אין ביהמ"ד הגדול אין קרית יואל אינאיינעם מיט די יערליכע דינער לטובת די ישיבה ומתיבתא תורה ויראה ד'סאטמאר.
היינט כ"ו אב ביומא דהילולא קדישא פון כ"ק אדמו"ר הרה"ק מסאטמאר זי"ע, וועט ממשיך דרכו בקודש כ"ק אדמו"ר מסאטמאר שליט"א ארויפגיין צום ציון הק' אין קרית יואל ארום דריי דרייסיג נאכמיטאג, און שפעטער פארנאכטס אפרעכטן די צענטראלע יארצייט טיש און סיום הש"ס אינעם גרויסן היכל אלטר יחזקאל בבנין ביהמ"ד בנין אליהו סאטמאר אין קרית יואל.
היינט נאכט ז"ך אב געפאלט די יומא דהילולא קדישא פון כ"ק אדמו"ר הרה"ק מטאהש זי"ע, פילע אידן פארן ארויס קיין קרית טאהש קאנאדע צו פוקד זיין דעם ציון הק' בעצם יומא דהילולא קדישא, בנו ממלא מקומו כ"ק אדמו"ר מטאהש שליט"א וועט אפרעכטן די צענטראלע יארצייט טיש היינט נאכט בהיכל ביהמ"ד הגדול אין קרית טאהש.
היינט נאכט ז"ך אב געפאלט די יומא דהילולא קדישא פון כ"ק אדמו"ר הרה"ק ר' הערשעלע מספינקא זי"ע, אין אלע ספינקא שוהל'ן איבער די וועלט וועלן געפראוועט ווערן יארצייט סעודות און מסיבות לחיים, פילע אידן וועלן פוקד זיין דעם ציון הק' אויפן ספינקא בית החיים אין ניו דזשערזי להיפקד בדבר ישועה ורחמים.
בנו כ"ק אדמו"ר מטבא דשמואל ספינקא שליט"א וועט אפרעכטן די יארצייט טיש היינט אויפדערנאכט בבית מדרשו אין בארא פארק, און מארגן מאנטאג ארויפגיין צום ציון הק' אויפן בית החיים אין ניו דזשערזי.
בנו כ"ק אדמו"ר מקראלי שליט"א וועט היינט אויפדערנאכט אפרעכטן די יארצייט טיש בהיכל ישיבת קראלי אין מחנה זרע אברהם אין סאוט פאולסבורג.
חתנו הגה"צ אב"ד קראלי מאנסי שליט"א וועט אפרעכטן די יארצייט סעודה היינט נאכט בבית מדרשו אין מאנסי.
כ"ק אדמו"ר מזידטשויב חרדים שליט"א וועט היינט פארנאכטס אפרעכטן די יארצייט טיש לרגל די הילולא קדישא פון הרה"ק מסאטמאר זצ"ל, און הרה"ק מטאהש זצ"ל, אין ביהמ"ד אזמרה אויף רחוב יפה נוף אין עיה"ק צפת.
שמחת בית טשערנאביל – גארליץ – אלעסק: היינט קומט פאר די שמחת התנאים פון א אייניקל ביי כ"ק אדמו"ר מטשערנאביל שליט"א, די חתן יונגסטע קינד פון זיין זון הגה"צ ר' אהרן טווערסקי שליט"א, איידעם ביי הגה"צ ר' מיכל שעדראוויצקי שליט"א מטורקא סטרעטין, מיט די כלה א טאכטער פון הגה"צ ר' יעקב יואל אשכנזי שליט"א, זון פון כ"ק אדמו"ר מאלעסק שליט"א פון וומס"ב, און איידעם ביי כ"ק אדמו"ר מגארליץ שליט"א פון ב"פ. – די שמחה קומט פאר אין זאל פון סאטמאר איחוד קאנטרי אין מאנטיסעלא.
היינט קומט פאר די שמחת הבר מצוה פון א אייניקל ביי כ"ק אדמו"ר מצאנז זוועהיל שליט"א, א זון פון זיין איידעם הגה"צ ר' יעקב ווידער שליט"א, זון פון הגה"צ אבד"ק לינז שליט"א. – די שמחה קומט פאר אין ביהמ"ד אהל שלמה אין מחנה דברי חיים צאנז זוועהיל אין קאניאנגא לעיק.
עס איז געשלאסן געווארן די שידוך פונעם חתן א זון פון הרב מרדכי רובין שליט"א, זון פון הגה"צ אבד"ק ראפשיץ ירושלים שליט"א, און איידעם ביי הגה"צ אבד"ק קאמינקא זצ"ל, מיט די כלה א טאכטער פון כ"ק אדמו"ר מבראד שליט"א, זון פון הגה"צ ר' מרדכי מענדל שווארץ שליט"א ראה"כ בראד, און איידעם ביי הגה"צ ר' יעקב צבי פריעדמאן שליט"א מח"ס באר יעקב צבי.
כ"ק אדמו"ר מוויזניץ שליט"א פון לאנדאן קומט היינט אן צו די קענט געגנט אין ענגלאנד, וואו דער רבי שליט"א וועט זיך אויפהאלטן די קומענדיגע טעג אויף אפרוה.
אריינצושיקן מודעות און נייעס, שיקט אן אימעיל צו NEWS@JDNMAIL.COM
