לרגל די יומא דהילולא קדישא פון כ"ק אדמו"ר הרה"ק מסאטמאר זצ"ל היינט מוצאי שבת כ"ו אב, וועלן געפראוועט ווערן פילע סעודות הילולא אין אלע סאטמארער צענטערן איבער די וועלט לזכרו הטהור.
כ"ק גאב"ד סאטמאר מאנסי שליט"א וועט אפרעכטן די יארצייט טיש מוצאי שבת קודש אין ביהמ"ד הגדול ויואל משה ד'סאטמאר אין מאנסי.
לקראת די הילולא קדישא פון כ"ק אדמו"ר הרה"ק בעל נועם אליעזר מסקולען זצ"ל, וועלן פארקומען פילע מלוה מלכה'ס און סעודות הילולא אין אלע סקולענער צענטערן איבער די וועלט. כ"ק האדמורי"ם מסקולען שליט"א פון לעיקוואד און ירושלים וועלן אפרעכטן די סעודת מלוה מלכה אין חצר פון ביהמ"ד סקולען אין ירושלים.
לקראת די הילולא קדישא פון כ"ק אדמו"ר הרה"ק מספינקא זצ"ל, וועלן פארקומען פילע מלוה מלכה'ס און סעודות הילולא איבער די וועלט, בנו כ"ק אדמו"ר מבית יצחק ספינקא שליט"א וועט אפרעכטן די סעודת מלוה מלכה אין ביהמ"ד מלבוש צבי ספינקא אין די פליישמאנס רעזארט. בנו כ"ק אדמו"ר מתולדות צבי ספינקא שליט"א וועט אפרעכטן די סעודת מלוה מלכה אין ספינקא ביהמ"ד אויף טעטש קט. אין קרית יואל. בנו כ"ק אדמו"ר מקראלי שליט"א וועט אפרעכטן די סעודת מלוה מלכה אין גרויסן ביהמ"ד אין מחנה נחלת צבי קראלי אין סאוט פאולסבורג.
לקראת די הילולא קדישא פון כ"ק אדמו"ר הרה"ק מטאהש זצ"ל, וועלן פארקומען פילע מלוה מלכה'ס און סעודות הילולא אין אלע טאהשער צענטערן איבער די וועלט.
לקראת די הילולא קדישא פון כ"ק אדמו"ר הרה"ק מראחמיסטריווקא זצ"ל, וועלן פארקומען פילע מלוה מלכה'ס און סעודות הילולא אין אלע ראחמיסטריווקא צענטערן איבער די וועלט. בנו כ"ק אדמו"ר מראחמיסטריווקא שליט"א וועט אפרעכטן די סעודת מלוה מלכה אין ביהמ"ד הגדול ראחמיסטריווקא אין בארא פארק. בנו כ"ק אדמו"ר מראחמיסטריווקא שליט"א פון מאנסי וועט אפרעכטן די סעודת מלוה מלכה בבית מדרשו, וואו עס וועט אויפטרעטן הגה"צ ר' פנחס אלימלך שטיין שליט"א, איידעם ביי כ"ק אדמו"ר מראחמיסטריווקא שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
