שמחת בית סאטמאר – שאפראן – בית אהרן: עס איז געשלאסן געווארן די שידוך פון א אייניקל ביי כ"ק אדמו"ר מסאטמאר שליט"א, די חתן א זון פון זיין איידעם הגה"צ ר' אלעזר טייטלבוים שליט"א ראה"כ סאטמאר וומס"ב, זון פון הגה"צ אבד"ק בית אהרן שליט"א, מיט די כלה א טאכטער פון הגה"צ ר' פנחס אליעזר מייזליש שליט"א אבד"ק שאפראן.
עס איז געשלאסן געווארן די שידוך פונעם חתן א זון פון הגה"צ ר' מנחם מענדיל פיש שליט"א, זון פון כ"ק אדמו"ר מביקסאד שליט"א, און איידעם ביי כ"ק אדמו"ר מאלעסק זצ"ל, מיט די כלה א טאכטער פון הגה"צ ר' שמואל אליעזר איליאוויטש שליט"א, זון פון הגה"צ גאב"ד יעמערינג שליט"א, און איידעם ביי הגה"צ אבד"ק סעמיהאי ב"פ שליט"א.
שמחת בית סלאנים: היינט קומט פאר די שמחת החתונה פון א אייניקל ביי כ"ק אדמו"ר מסלאנים שליט"א, די כלה א טאכטער פון זיין איידעם הגה"צ ר' ישעי' אשר אנשיל פאנעט שליט"א, זון פון כ"ק אדמו"ר מדעעש ירושלים זצ"ל, מיט די חתן א זון פון הרב מאיר סופר שליט"א מחשובי חסידי סלאנים, אייניקל פון כ"ק אדמו"ר מלעלוב ירושלים זצ"ל. – די מעמד קבלת פנים און חופה קומט פאר אין ביהמ"ד הגדול סלאנים אויף רחוב ברסלב אין בני ברק, און די שמחת החתונה אין ביהמ"ד הגדול מאחנובקא בעלזא.
שמחת בית קאסאן – ספינקא – קאזעווע: היינט קומט פאר די שמחת החתונה פון א אייניקל ביי כ"ק אדמו"ר מקאסאן לעיקוואד שליט"א, די חתן א זון פון זיין זון הגה"צ ר' פנחס שלום ראטטענבערג שליט"א, איידעם ביי כ"ק אדמו"ר מקאזעווע שליט"א, מיט די כלה א טאכטער פון הגה"צ ר' אלטר יעקב כהנא שליט"א, זון פון כ"ק אדמו"ר מנצח מנחם ספינקא שליט"א, און איידעם ביי כ"ק אדמו"ר מקאסאן שליט"א. – די שמחת החתונה קומט פאר אין זאל תפארת עלקא אין מאנסי.
היינט קומט פאר די שמחת הבר מצוה פון א אייניקל ביי כ"ק אדמו"ר מפאפא שליט"א, א זון פון זיין איידעם הגה"צ ר' אהרן כ"ץ שליט"א אבד"ק תולדות אהרן וומס"ב. – די שמחה קומט פאר אין ביהמ"ד הגדול פאפא אין וויליאמסבורג.
שמחת בית וויזניץ: היינט קומט פאר די שמחת החתן מאהל פון א אייניקל ביי כ"ק אדמו"ר מוויזניץ שליט"א, די חתן א זון פון זיין יונגסטע איידעם הגה"צ ר' מנחם מענדיל האגער שליט"א, זון פון הגה"צ אבד"ק סערט וויזניץ ירושלים זצ"ל, מיט די כלה א טאכטער פון הגה"צ ר' זושא האראנטשיק שליט"א אבד"ק ראדאשיץ בית שמש, איידעם ביי הגה"צ ר' יהודה יחיאל שיינפעלד שליט"א אדמו"ר מטאלטשאווא. – די שמחת החתונה קומט פאר אין זאל בית וויזניץ אין קרית וויזניץ בני ברק.
שמחת בית טשערנאביל – קאסאני – מעליץ: היינט קומט פאר די שמחת החתן מאהל פון חתן כלה אייניקלעך פון כ"ק אדמו"ר מטשערנאביל שליט"א, די חתן א אייניקל פון זיין עלטסטן איידעם כ"ק אדמו"ר מקאסאני ב"ב שליט"א, א זון פון זיין זון הגה"צ ר' חיים יצחק ראטטענבערג שליט"א, איידעם ביי זיין עלטער פעטער כ"ק אדמו"ר ממעליץ שליט"א פון אשדוד, מיט די כלה א טאכטער ביים רבינ'ס איידעם הגה"צ ר' חיים מאיר ראטטענבערג שליט"א ראש ישיבת וויזניץ בית שמש, זון פון כ"ק אדמו"ר מקאסאני שליט"א. – די שמחת החתן מאהל קומט פאר אין ביהמ"ד הגדול טשערנאביל אין בני ברק.
היינט ה' אלול געפאלט די צווייטע הילולא קדישא פון כ"ק אדמו"ר הרה"ק מסקולען זצ"ל בעל ישועת יעקב, די קינדער כ"ק האדמורי"ם מסקולען און ישועת יעקב סקולען שליט"א וועלן פוקד זיין דעם ציון הק' אויפן וויזניצע בית החיים אין מאנסי זעקס אזייגער נאכמיטאג להיפקד בדבר ישועה ורחמים.
היינט ה' אלול געפאלט די יומא דהילולא קדישא פון כ"ק אדמו"ר משומרי אמונים זצ"ל בעל חוקי חיים, די קינדער און אייניקלעך כ"ק האדמורי"ם שליט"א וועלן ארויפגיין צום ציון הק' אויפן הר הזיתים און אפרעכטן די יארצייט טישן אין די בתי מדרשים. נכדו הגה"צ ראש ישיבת שומרי אמונים שליט"א וועט אפרעכטן די יארצייט טיש און סיום הש"ס אין ביהמ"ד הגדול אין קרית שומרי אמונים אין ירושלים.
היינט ה' אלול געפאלט די יומא דהילולא קדישא פון הרה"ק רבי דוד צבי שלמה מלעלוב ירושלים זצ"ל, די אייניקלעך כ"ק האדמורי"ם מלעלוב שליט"א וועלן פוקד זיין דעם ציון הק' אויפן הר הזיתים, און אפרעכטן די יארצייט טישן אין די בתי מדרשים.
כ"ק אדמו"ר מסאטמאר שליט"א קומט היינט אן קיין קרית יטב לב אין בלומינגבורג, אויפצונעמען דעם ציבור חסידים לקראת די הייליגע טעג הממשמשים ובאים, שפעטער ביינאכט וועט דער רבי שליט"א אפרעכטן די יארצייט טיש לרגל די הילולא קדישא פון זקינו דער הייליגער ייטב לב זי"ע, אין ביהמ"ד אור החיים אין קרית יטב לב אין בלומינגבורג.
כ"ק אדמו"ר מצאנז שליט"א קומט היינט אן קיין בית שמש, אויפצונעמען דעם ציבור חסידים לקראת די הייליגע טעג הממשמשים ובאים, בבית מדרשו אויף רחוב אהל יהושע אין רמה ב'.
כ"ק אדמו"ר מסאדיגורא שליט"א קומט היינט אן קיין אשדוד, צו אויפנעמען דעם ציבור חסידים מיט קוויטלעך לקראת די ימי הרחמים והרצון.
כ"ק אדמו"ר מוויזניץ שליט"א פון ירושלים קומט היינט אן קיין מאנסי, אויפצונעמען קהל חסידיו מיט קוויטלעך לקראת די הייליגע טעג הממשמשים ובאים.
היינט קומט פאר די כינוס היסוד פאר די נייע מפעל התורה "גדלו" בחצר הקודש נדבורנא ירושלים, אין ביהמ"ד הגדול דחסידי נדבורנא ירושלים אויף רחוב עזרא, אין שפיץ פון כ"ק אדמו"ר מנדבורנא ירושלים שליט"א.
כ"ק אדמו"ר מלעלוב שליט"א קומט היינט אן צוגאסט קיין ארץ ישראל, לרגל די יארצייט פון אמו הרבנית הצדיקת מלעלוב ע"ה, און לרגל די הילולא קדישא פון זקינו הרה"ק רבי דוד צבי שלמה מלעלוב זצ"ל וואס געפאלט היינט ה' אלול.
ניחום אבלים:
צו די פטירה פון כ"ק אדמו"ר מבית שמואל צבי ספינקא זצ"ל זיצן שבעה די בני המשפחה ביז מארגן מיטוואך אינדערפרי, אין ביהמ"ד בית שמואל צבי ספינקא אויף וואלווארט סטריט אין וויליאמסבורג.
עס זיצן שבעה די דריי זיהן כ"ק האדמורי"ם מספינקא שליט"א, די ברידער כ"ק האדמורי"ם מספינקא מאנסי און זאבליטוב, הגה"צ ר' זלמן לייב און הגה"צ ר' יואל הורוויץ שליט"א, די טעכטער אשת הגה"צ ר' ישכר בער ראזענבוים שליט"א בן כ"ק אדמו"ר ממאשלוי שליט"א, אשת הגה"צ ר' יוחנן האגער שליט"א בן כ"ק אדמו"ר מוויזניץ שליט"א פון ב"פ און נאך א טאכטער אינדערהיים. די שוועסטערס הרבנית מוויען פלעטבוש, הרבנית מסעליש, הרבנית אשת הגה"צ ר' נפתלי הירצקא בערגער שליט"א, און הרבנית אשת הגה"צ אב"ד בית ישכר בעריש ד'רידזש שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
