JDN

שמחת בית סערדאהעלי – צאנז זוועהיל: היינט קומט פאר די שמחת התנאים פון א אור אייניקל ביי כ"ק אדמו"ר מסערדאהעלי שליט"א, אייניקל פון זיין איידעם הגה"צ ר' חיים אלעזר מאנדלאוויטש שליט"א חבר ביד"ץ טארטיקוב, די חתן א זון פון זיין זון הרב יהושע מאנדלאוויטש שליט"א, איידעם ביי הגה"צ ר' אברהם סעקולא שליט"א אבד"ק סאדאוונא, מיט די כלה א טאכטער פון הגה"צ ר' יעקב ווידער שליט"א, זון פון הגה"צ אבד"ק לינז שליט"א, און איידעם ביי כ"ק אדמו"ר מצאנז זוועהיל שליט"א. – די שמחה קומט פאר אין די בעלזא זאל אויף די פינף און פערציגסטע סטריט אין בארא פארק.

היינט קומט פאר די שמחת הברית פון א אייניקל ביי כ"ק אדמו"ר מבלאזוב שליט"א, בן הנולד ביי זיין זון הרב נפתלי שפירא שליט"א, איידעם ביי הגה"צ ר' חיים שלמה אבראהאם שליט"א מבארדיטשוב. – די שמחה קומט פאר אין ביהמ"ד בלאזוב אין בארא פארק.

עס איז געשלאסן געווארן די שידוך פון חתן כלה אייניקלעך פון כ"ק אדמו"ר מזידטשויב שליט"א פון בני ברק, די חתן א זון פון זיין איידעם הגה"צ ר' שלמה יודא לאבין שליט"א, מיט די כלה א טאכטער פון זיין איידעם הגה"צ ר' יוחנן זעהוואלד שליט"א, זון פון הגה"צ אבד"ק אלטשטאט שליט"א.

כ"ק אדמו"ר מוויזניץ שליט"א פון ירושלים פארט היינט ארויס קיין ארץ ישראל, צו וויילן אויף די ימים הנוראים בקרב חסידיו ומעריציו.

היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד כנסת מרדכי סאדיגורא אין תל אביב, אין שפיץ פון כ"ק אדמו"ר מסאדיגורא שליט"א.

היינט קומט פאר די מעמד ביד רמה צו פארענדיגן די נייע ביהמ"ד קהל לב שמח אלעסק אין רמה ד' בית שמש, אין א גרויסע זאל אין בית האלה, אין שפיץ פון כ"ק אדמו"ר מאלעסק ארה"ק שליט"א.

כ"ק אדמו"ר מקוידינוב שליט"א וועט היינט אויפדערנאכט אפרעכטן די יארצייט טיש לרגל די הילולא קדישא פון זקינו הרה"ק רבי אהרן מקוידינוב זצ"ל, בבית מדרשו אין בני ברק.

בהתקרב ימי הרחמים והרצון:

כ"ק אדמו"ר מסאטמאר שליט"א קומט היינט אן קיין קרית יואל אויפצונעמען דעם ציבור חסידים לרגל די ימי הרחמים והרצון, אין שטוב פון הנגיד החסיד ר' מענדיל שווימער הי"ו ראש הקהל.

כ"ק אדמו"ר מבאבוב 45 שליט"א קומט היינט אן קיין וויליאמסבורג, אויפצונעמען די חסידים לרגל די ימי הרחמים והרצון, אין שטוב פון הנגיד החסיד ר' יצחק אייזיק דייטש הי"ו ראש הקהל.

כ"ק אדמו"ר מוויזניץ שליט"א פון קייאמישא וועט היינט אנקומען קיין מאנסי, צו פוקד זיין דעם ציון הק' פונעם פאטער הרה"ק בעל תורת מרדכי מוויזניץ זי"ע לרגל די ימי הרחמים והרצון, דערנאך וועט דער רבי אויפנעמען די חסידים מיט קוויטלעך, בבית האכסניא אין שטוב פון הנגיד החסיד ר' יודא יואל ראזענפעלד הי"ו. שפעטער ביינאכט כחצות הלילה וועט דער רבי שליט"א זאגן סליחות בבית מדרשו בית מרדכי אין מאנסי.

כ"ק אדמו"ר מוויזניץ שליט"א פון וויליאמסבורג וועט היינט אנקומען קיין מאנסי, צו פוקד זיין דעם ציון הק' פונעם פאטער הרה"ק בעל תורת מרדכי מוויזניץ זי"ע לרגל די ימי הרחמים והרצון, דערנאך וועט דער רבי אויפנעמען די חסידים מיט קוויטלעך, בבית האכסניא אין שטוב פון הנגיד החסיד ר' מענדיל פינקאסאוויטש הי"ו. שפעטער ביינאכט כחצות הלילה וועט דער רבי שליט"א זאגן סליחות בבית מדרשו תורת מרדכי אין מאנסי.

כ"ק אדמו"ר מראחמיסטריווקא שליט"א וועט היינט ארויספארן קיין מאנסי צו פוקד זיין דעם ציון הק' פונעם פאטער הרה"ק מראחמיסטריווקא זי"ע, און דעם ציון הק' פון זקינו הרה"ק מסקווירא זי"ע לרגל די ימי הרחמים והרצון, שפעטער נאכמיטאג וועט דער רבי אנקומען קיין לינדען און אויפנעמען דעם ציבור חסידים אין שטוב פון הרב החסיד ר' דוד דאפעלט הי"ו.

כ"ק גאב"ד מאקאווא שליט"א קומט היינט אן קיין עיה"ק ירושלים אויפצונעמען די חסידים לרגל די ימי הרחמים והרצון, דער רב וועט איבערגעבן א שמועס הכנה לימים הנוראים אין שטוב פון הרה"ח ר' לייבל מלאך הי"ו.

כ"ק אדמו"ר מוויען שליט"א וועט היינט אנקומען קיין בארא פארק אויפצונעמען די חסידים לרגל די ימי הרחמים והרצון, אין שטוב פון הרה"ח ר' אהרן הערש עלבויגן הי"ו.

כ"ק אדמו"ר מטשערנאביל שליט"א קומט היינט אן קיין וויליאמסבורג, אויפצונעמען דעם ציבור חסידים לרגל די ימי הרחמים והרצון, אין שטוב פון הנגיד החסיד ר' נפתלי ברוך וועבער הי"ו.

כ"ק אדמו"ר מקראלי שליט"א וועט היינט אנקומען קיין בארא פארק אויפצונעמען די חסידים לרגל די ימי הרחמים והרצון, אין שטוב פון הרה"ח ר' אברהם שלום קליין הי"ו.

כ"ק אדמו"ר מקאשוי שליט"א קומט היינט אן קיין קרית יואל אויפצונעמען די חסידים לרגל די ימי הרחמים והרצון, אין שטוב פון הנגיד החסיד ר' יוסף פנחס סטראלאוויטש הי"ו.

כ"ק אדמו"ר מבוהוש שליט"א קומט היינט אן אויף א תפילת רבים בראש קהל חסידיו צום ציון הק' פונעם אור החיים הקדוש זי"ע אויפן הר הזיתים, מתפלל זיין לקראת די ימים הנוראים הבעל"ט.

כ"ק אדמו"ר מבורשטין שליט"א קומט היינט אן קיין וויליאמסבורג, אויפצונעמען דעם ציבור חסידים לרגל די ימי הרחמים והרצון, אין שטוב פון הנגיד החסיד ר' יצחק מאיר שווארץ הי"ו.

כ"ק אדמו"ר מספינקא שליט"א פון בני ברק וועט היינט אנקומען קיין אשדוד אויפצונעמען די חסידים לרגל די ימי הרחמים והרצון, אין שטוב פון משפחת פריעדמאן שיחי' אויף רחוב שמאי.

כ"ק אדמו"ר מאמשינוב ארה"ב שליט"א קומט היינט אן קיין לעיקוואד, אויפצונעמען דעם ציבור חסידים לרגל די ימי הרחמים והרצון, אין שטוב פון הרב החסיד ר' דוד אייזען הי"ו.

כ"ק אדמו"ר מקיוויאשד שליט"א קומט היינט אן קיין קרית יואל, אויפצונעמען דעם ציבור חסידים לרגל די ימי הרחמים והרצון, אין שטוב פון הרה"ח ר' משה שמואל רובינפעלד הי"ו.

כ"ק אדמו"ר מאונגוואר שליט"א קומט היינט אן קיין לעיקוואד, אויפצונעמען דעם ציבור חסידים לרגל די ימי הרחמים והרצון, אין שטוב פון הנגיד החסיד ר' יוסף אטלס הי"ו.