במוצאי מנוחה קדמנוך תחילה:
מארגן זונטאג פארטאגס במוצאי מנוחה וועלן טויזענטער חסידי סאטמאר באנייען די איבערגעבויעטע ביהמ"ד הגדול דקהל יטב לב ד'סאטמאר אויף ראדני סטריט אין וויליאמסבורג, בית מדרשו של רבי וואו הרה"ק מסאטמאר זי"ע האט אפגעראכטן די עבודת הקודש בחיים חיותו, נאך א העפטיגע בוי ארבעט צו מרחיב זיין די גבולי הקדושה ולפאר ולרומם את בית ה', אין לויף פון די פארגאנגענע חדשים.
מארגן זונטאג פארטאגס ביי אמירת סליחות במוצאי מנוחה וועט אין א מזל'דיגע שעה באנייעט ווערן די פראכטפולע ביהמ"ד "עתרת שלום" קאסאן אין לינדען, בנשיאות כ"ק אדמו"ר מקאסאן שליט"א.
היינט מוצאי שבת ביי אמירת סליחות במוצאי מנוחה וועט אין א מזל'דיגע שעה באנייעט ווערן די פראכטפולע ביהמ"ד "אור יצחק" דחסידי ראחמיסטריווקא אין די אוקענוויין געגנט אין לעיקוואד, בנשיאות כ"ק אדמו"ר מראחמיסטריווקא שליט"א פון אוקענוויין.
כ"ק אדמו"ר מוויזניץ שליט"א וועלכער האלט זיך אויף די טעג אין מושב אורה נעבן ירושלים, וועט היינט מוצאי שבת אהיימקומען בעז"ה קיין קרית וויזניץ בני ברק צום אמירת סליחות הראשונות ברוב עם הדרת מלך, עלף דרייסיג אויפדערנאכט.
כ"ק אדמו"ר מצאנז קלויזענבורג שליט"א וועלכער איז צוגאסט די טעג אין ארץ ישראל בקרב חסידיו, וועט מארגן זונטאג פארטאגס אנקומען צום ביהמ"ד הגדול ביאלא אויף רחוב יעקובזון אין ירושלים, צום אמירת סליחות הראשונות מיט פילע חסידים פון ארץ ישראל.
כ"ק אדמו"ר מוויזניץ שליט"א פון בית שמש וועט היינט אנקומען קיין בני ברק, אויף אמירת סליחות הראשונות בבית מדרשו אויף רחוב מלצר אין בני ברק.
כ"ק אדמו"ר מטשערנאביל שליט"א וועט היינט מוצאי שבת זאגן סליחות ברוב עם הדרת מלך, אין היכל ביהמ"ד בעלזא אויף די דריי און פערציגסטע סטריט אין בארא פארק.
כ"ק אדמו"ר מסטאניסלאוו שליט"א וועט היינט מוצאי שבת זאגן סליחות ברוב עם הדרת מלך, אין היכל ישיבה קטנה תפארת ישראל סטאניסלאוו אויף מעין סטריט אין מאנסי.
כ"ק אדמו"ר ממיאלען שליט"א וועט היינט מוצאי שבת זאגן סליחות בבית מדרשו אין קרית גת.
הגה"צ אבד"ק צאנז ארה"ב שליט"א וועלכער איז צוגאסט די טעג בקרב חסידי צאנז אין אמעריקע, וועט מארגן זונטאג פארטאגס במוצאי מנוחה זאגן די סליחות הראשונות אינאיינעם מיט כלל חסידי צאנז פון איבער גרעיטער ניו יארק און ניו דזשערזי, אין ביהמ"ד הגדול דקהל חסידי קאסוב אין בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
