היינט קומט פאר די שמחת פדיון הבן פון א דאפלטע אור אייניקל ביי כ"ק אדמו"ר מסקווירא שליט"א, אור אייניקל פון בנו הגדול הגה"צ ר' אהרן מענדיל טווערסקי שליט"א, אייניקל פון זיין איידעם הרב לייבוש טייטלבוים שליט"א, זון פון הגה"צ אבד"ק בית אהרן שליט"א, בן הנולד ביי זיין זון הרב אלעזר טייטלבוים שליט"א, איידעם ביים רבינ'ס יונגסטע זון הגה"צ ר' חיים מאיר טווערסקי שליט"א, איידעם ביי כ"ק אדמו"ר מבארניב שליט"א. – די שמחה קומט פאר אין ביהמ"ד הגדול אין שיכון סקווירא.
היינט קומט פאר די שמחת הברית פון א אור אייניקל ביי כ"ק אדמו"ר מסקווירא שליט"א, אייניקל פון זיין זון הגה"צ ר' יעקב יוסף טווערסקי שליט"א, בן הנולד ביי זיין זון הרב משולם זוסיא טווערסקי שליט"א, איידעם ביי הרה"ג ר' יוסף וויינבערג זצ"ל ראש ישיבת סלאנים, אור אייניקל פון כ"ק אדמו"ר מטשערנאביל שליט"א. – די שמחה קומט פאר אין ביהמ"ד הגדול אין שיכון סקווירא.
היינט קומט פאר די שמחת הבר מצוה פון א זון ביי כ"ק אדמו"ר מסטריקוב ירושלים שליט"א, זון פון הגה"צ אבד"ק סטריקוב שליט"א, און איידעם ביי הגה"צ ר' מנחם נחום טווערסקי זצ"ל מראחמיסטריווקא. – די שמחה קומט פאר אין סטריקובער בית המדרש אויף רחוב דוד אין ירושלים.
עס איז געשלאסן געווארן די שידוך פון א אייניקל ביי כ"ק אדמו"ר מקאפיטשניץ שליט"א, די כלה א טאכטער פון זיין זון הגה"צ ר' ישראל פלינטנשטיין שליט"א ראה"כ קאפיטשניץ, איידעם ביי הגה"צ ר' סנדר ליפא אייכענשטיין שליט"א מאלעסק לאנדאן, איידעם ביי הגה"צ ר' שלום פריעדמאן שליט"א סגן אב"ד לאנדאן, מיט די חתן א זון פון הרה"ג ר' חיים יחיאל מיכל בלוי שליט"א דומ"ץ קהל עץ חיים ווישניצא אין לאס אנדזשעלעס, איידעם ביי הגה"צ ר' חיים ברוך ראבין שליט"א אבד"ק ווישניצא לאס אנדזשעלעס. – די שמחת התנאים קומט פאר היינט אויפדערנאכט אין זאל בית ישראל אין ירושלים.
עס איז געשלאסן געווארן די שידוך פון א אייניקל ביי כ"ק אדמו"ר מקיוויאשד שליט"א, די חתן א זון פון זיין זון הגה"צ ר' שמעון האלבערשטאם שליט"א דומ"ץ קיוויאשד, איידעם ביי זיין פעטער כ"ק אדמו"ר מבארניב שליט"א, מיט די כלה א טאכטער פון הגה"צ ר' הערש לייב טווערסקי שליט"א, זון פון כ"ק אדמו"ר מסקווירא מב"פ זצ"ל, און איידעם ביי הגה"צ ר' יחיאל מיכל שעדראוויצקי שליט"א.
עס איז געשלאסן געווארן די שידוך פונעם חתן א זון פון הגה"צ ר' משה יואל טייטלבוים שליט"א, זון פון הגה"צ ר' הערשל טייטלבוים זצ"ל מהוסאקוב, און איידעם ביי הגה"צ ר' יעקב כהנא שליט"א אדמו"ר מספינקא מאנטשעסטער, מיט די כלה א טאכטער פון הגה"צ ר' יעקב ארי' לאבין שליט"א אבד"ק זידטשויב מאנסי, איידעם ביי הגה"צ אבד"ק מאנטיוואדעיא שליט"א.
כ"ק אדמו"ר מצאנז קלויזענבורג שליט"א וועלכער האט זיך אויפגעהאלטן די לעצטע דריי וואכן אין ארץ ישראל בקרב חסידיו, קערט זיך היינט צוריק למעון קדשו אין בארא פארק.
היינט קומט פאר א סעודת הילולא און סיום הש"ס ומשניות בחצר הקודש וויען, לקראת די יארצייט פון הגה"ק רבי עזריאל יהודה לעבאוויטש זצ"ל גאב"ד וויען בעל עזר מיהודה, עס קומט פאר אין ביהמ"ד הגדול דקהל עדת יראים וויען אין וויליאמסבורג, אין שפיץ פון כ"ק אדמו"ר מוויען שליט"א.
לקראת די הילולא קדישא פון כ"ק אדמו"ר בעל משנה הלכות מאונגוואר זצ"ל וואס געפאלט דעם פרייטאג ערב ראש השנה, וועט היינט פארקומען א מעמד תפילת רבים ובקשת רחמים ביים ציון הק' אויפן אלטן בית החיים אין צפת, אין שפיץ פון בנו כ"ק אדמו"ר מאונגוואר שליט"א.
היינט קומט פאר די מעמד סיום כתיבת ספר תורה וואס ווערט אריינגעגעבן צום ישיבה לצעירים עטרת משה מאקאווא אין קרית אתא, לזכר נשמת הגה"ק רבי מנחם מענדיל לעמבערגער זצ"ל אבד"ק פולגאר, עס קומט פאר אין שטוב פון הרב החסיד ר' מנחם געשייד שליט"א אין בני ברק, אין שפיץ פון כ"ק גאב"ד מאקאווא שליט"א.
היינט קומט פאר די מעמד כוללות קוויטל פאר כלל בחורי סקולען אין לעיקוואד, וואס זענען אנגעשלאסן אין חבורת שמרם זיך צו שטארקן קעגן די נסיונות הדור, אין שפיץ פון כ"ק אדמו"ר מסקולען שליט"א פון לעיקוואד.
כ"ק אדמו"ר מקאסאן שליט"א קומט היינט אן קיין וויליאמסבורג אויפצונעמען די חסידים לרגל די ימי הרחמים והרצון, אין שטוב פון הרה"ח ר' משולם איסר קרויס הי"ו.
כ"ק אדמו"ר מקאשוי שליט"א קומט היינט אן קיין בארא פארק אויפצונעמען דעם ציבור חסידים לרגל די ימי הרחמים והרצון, אין שטוב פון הנגיד החסיד ר' מרדכי עוזר בלוי הי"ו.
כ"ק אדמו"ר מצאנז זוועהיל שליט"א וועט היינט אנקומען קיין מאנסי, אויפצונעמען די חסידים לרגל די ימי הרחמים והרצון.
כ"ק אדמו"ר מספינקא שליט"א פון בני ברק וועט היינט אנקומען קיין אלעד אויפצונעמען די חסידים לרגל די ימי הרחמים והרצון, בבית מדרשו אויף רחוב אבן גבירול.
כ"ק אדמו"ר משענדישוב שליט"א קומט היינט אן קיין לעיקוואד, אויפצונעמען דעם ציבור חסידים לרגל די ימי הרחמים והרצון.
כ"ק אדמו"ר מסאדיגורא ירושלים שליט"א קומט היינט אן קיין בני ברק, אויפצונעמען דעם ציבור חסידים לרגל די ימי הרחמים והרצון.
ניחום אבלים:
צו די פטירה פון הגה"צ אבד"ק זאליזשא זצ"ל זיצן שבעה די בני המשפחה אין שטוב פונעם רב זצ"ל אויף די איין און פופציגסטע סטריט אין בארא פארק, די זיהן הגה"צ ר' זלמן לייב הורוויץ שליט"א דומ"ץ מכון להוראה, און הגה"צ ר' אלטר אליעזר הורוויץ שליט"א אבד"ק קדושת יו"ט סאטמאר ב"פ. די טעכטער אשת הגה"צ אבד"ק ברעזאן שליט"א, אשת הגה"צ ר' העניך באב"ד שליט"א, אשת הגה"צ אבד"ק מאקאווא ב"פ שליט"א, אשת הגה"צ ר' משה טייטלבוים שליט"א, און אשת הגה"צ ר' יואל שפיטץ שליט"א.
אחיו הגדול להבחל"ח כ"ק אדמו"ר מסטריזוב שליט"א זיצט שבעה בביתו נאוה קודש אויף די איין און פופציגסטע סטריט אין בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
