JDN

פתחו שערים ויבוא גוי צדיק:

דעם יום טוב ראש השנה וועט אין א מזל'דיגע שעה באנייעט ווערן די פראכטפולע ביהמ"ד דחסידי טשערנאביל אין בארא פארק, נאכן פארענדיגן די ערשטע שלב אינעם בוי פראיעקט לבנות בנין אדיר לה' ולתורתו.

דעם יום טוב ראש השנה וועט אין א מזל'דיגע שעה באנייעט ווערן די פראכטפולע ביהמ"ד דחסידי דזיקוב וויזניץ אין בית שמש, נאכן פארענדיגן די ערשטע שלב אינעם בוי פראיעקט לבנות בנין אדיר לה' ולתורתו.

דעם יום טוב ראש השנה וועט אין א מזל'דיגע שעה באנייעט ווערן די פראכטפולע ביהמ"ד תפארת ישראל סטאניסלאוו אין מאנסי, נאכן פארענדיגן די בליץ שנעלע בוי פראיעקט אין בלויז עטליכע חדשים.

היינט ערב ראש השנה קומט פאר די שמחת הברית פון א אור אור אייניקל ביי כ"ק אדמו"ר מסקווירא שליט"א, אור אייניקל ביי זיין זון הגה"צ ר' יצחק טווערסקי שליט"א, איידעם ביי כ"ק אדמו"ר מוויזניץ שליט"א לרפו"ש, ערשטע אייניקל ביי זיין איידעם הרב איתמר כ"ץ שליט"א, זון פון הגה"צ אבד"ק מאגרוב שליט"א, בן הנולד ביי זיין זון הרב חיים מאיר כ"ץ שליט"א, איידעם ביי הרב יהושע היימליך שליט"א, זון פון הגה"צ אבד"ק קאראד שליט"א. – די שמחה קומט פאר אין ביהמ"ד הגדול אין שיכון סקווירא, און די סעודת מצוה נאך התרת נדרים שפעטער נאכמיטאג.

דעם יו"ט ראש השנה וועלן אלפי חסידי וויזניץ ברחבי תבל מסיים זיין מסכת שבת במסגרת הלימוד מאמר מרדכי דחסידי וויזניץ, די מעמדי הסיום וועט געפראוועט ווערן ביי די טישן דורכאויס יו"ט בצל הקודש פון האחים האדמורי"ם מוויזניץ שליט"א בכל מקומות מושבותיהם. בחצר הקודש וויזניץ אין בית שמש וועט פארקומען די סיום ביי קידוש און שהחיינו טיש די צווייטע נאכט ראש השנה.

כ"ק אדמו"ר מסלאנים שליט"א איז צוגאסט אויף יום טוב ראש השנה אין ירושלים עיה"ק, ווי איינגעפירט יעדעס יאר אינאיינעם מיט די חסידים פון אלע שטעט אין ארץ ישראל, די תפילות און טישן וועלן געפראוועט ווערן אין ביהמ"ד הגדול סלאנים אויף רחוב דורש טוב.

כ"ק אדמו"ר מלעלוב שליט"א איז צוגאסט אויף יום טוב ראש השנה אין ירושלים עיה"ק, ווי איינגעפירט יעדעס יאר אינאיינעם מיט די חסידים פון אלע שטעט אין ארץ ישראל, די תפילות דורכאויס יום טוב וועלן געפראוועט ווערן אין זאל ויאמר יצחק אויף רחוב שמעון הצדיק אין ירושלים.

כ"ק אדמו"ר מוויזניץ שליט"א פון ירושלים וועט פראווענען דעם יום טוב ראש השנה בקרב חסידיו אין ירושלים עיה"ק, בהיכל בית מדרשו קהל תורת חיים וויזניץ אויף רחוב אדוניהו.

כ"ק אדמו"ר מוויזניץ שליט"א פון בארא פארק וועט פראווענען דעם יו"ט ראש השנה אין עטרת גאלדא זאל אין בארא פארק, ווי איינגעפירט יאר יערליך צוליב דעם גרויסן ציבור.

כ"ק אדמו"ר מסקולען שליט"א וועט פראווענען דעם יו"ט ראש השנה אין די ריגער זאל אין בארא פארק, ווי איינגעפירט יאר יערליך צוליב דעם גרויסן ציבור.

כ"ק אדמו"ר מראחמיסטריווקא שליט"א פון ספרינג וואלי וועט פראווענען דעם יו"ט ראש השנה אין ביהמ"ד הגדול באבוב אין מאנסי, אינאיינעם מיט הונדערטער חסידים וחברי הקהילה.

כ"ק אדמו"ר מבית חיים יהושע שליט"א וועט פראווענען דעם יו"ט ראש השנה אין ביהמ"ד אמרי חיים וויזניץ בנין ווילחאוויץ אין ב"פ, אינאיינעם מיט הונדערטער חסידים וחברי הקהילה.

כ"ק אדמו"ר מאלכסנדר שליט"א וועט פראווענען דעם יו"ט ראש השנה אינעם גרויסן אודיטוריום אין בני ברק, ווי איינגעפירט יאר יערליך צוליב דעם גרויסן ציבור.

כ"ק אדמו"ר מקאסאן שליט"א וועט פראווענען דעם יו"ט ראש השנה אין היכל ישיבת צעהלים אין לינדען.

כ"ק אדמו"ר מזידטשויב ווערעצקי שליט"א וועט פראווענען דעם יו"ט ראש השנה אין ביהמ"ד אהבת שלום וויזניץ אויף רחוב מלצר אין בני ברק.

כ"ק אדמו"ר מפיטסבורג שליט"א וועט פראווענען דעם יו"ט ראש השנה אין ביהמ"ד הגדול בעלזא אין די רובע ו' געגענט אין אשדוד.

האחים המשפיעים הגה"צ ר' אלימלך בידערמאן שליט"א, הגה"צ ר' נחמן בידערמאן שליט"א, און הגה"צ ר' חיים יוסף בידערמאן שליט"א אב"ד לעלוב ב"ב, וועלן פראווענען דעם יו"ט ראש השנה ווי יאר יערליך אין ירושלים עיה"ק, בהיכל ישיבת פורת יוסף אין אלטשטאט ירושלים.

הגה"צ ר' יצחק מאיר מארגענשטערן שליט"א אדמו"ר מתורת חכם וועט פראווענען דעם יו"ט ראש השנה אין די גרויסע היכל פון ביהמ"ד סאטמאר אין עזרת תורה געגנט, אינאיינעם מיט הונדערטער חסידים פון איבער גאנץ ארץ ישראל.