שמחת בית וויזניץ – טשערנאוויץ: היינט קומט פאר די שמחת החתונה פון א אייניקל ביי כ"ק אדמו"ר מוויזניץ שליט"א פון ירושלים, די חתן א זון פון זיין זון הגה"צ ר' יעקב יוסף האגער שליט"א, איידעם ביי כ"ק אדמו"ר מטשערנאוויץ שליט"א, מיט די כלה א טאכטער פון הגה"צ ר' לוי יצחק האניג שליט"א, זון פון הגה"צ ר' יעקב האניג שליט"א, און איידעם ביי הגה"צ ר' שלמה פנחס מאלוויצקי שליט"א אבד"ק סלאנים מאנסי. – די שמחת החתונה קומט פאר אין די פעלעס זאל אין בארא פארק.
היינט קומט פאר די שמחת החתונה פונעם חתן א זון פון הגה"צ ר' דוד צבי כהנא שליט"א, זון פון כ"ק אדמו"ר מנצח מנחם ספינקא שליט"א, און איידעם ביי הגה"צ ר' מרדכי באב"ד שליט"א ראב"ד מכון להוראה, מיט די כלה א טאכטער פון הגה"צ ר' ברוך אברהם פיש שליט"א אב"ד האנשאוויץ, זון פון הגה"צ ר' ישראל פיש שליט"א אדמו"ר מהאדאס, און איידעם ביי הגה"צ אבד"ק קאלביסוב שליט"א. – די שמחת החתונה קומט פאר אין זאל עטרת חי' שרה אין מאנסי.
היינט קומט פאר די שמחת הבר מצוה פון א אייניקל ביי כ"ק אדמו"ר מטשערנאביל שליט"א, א זון פון זיין איידעם הגה"צ ר' מרדכי פנחס טווערסקי שליט"א, זון פון הגה"צ ר' מנחם נחום טווערסקי שליט"א, איידעם ביי כ"ק אדמו"ר מראחמיסטריווקא זצ"ל. – די שמחה קומט פאר אין זאל נחלת גאלדא בבנין ת"ת בעלזא אין בארא פארק.
עס איז געשלאסן געווארן די שידוך פונעם חתן א זון פון הגה"צ ר' מנחם מענדיל יואל אדלער שליט"א, זון פון הגה"צ ר' מרדכי אדלער זצ"ל אבד"ק מנחה חדשה, און איידעם ביי הגה"צ ר' מאיר כ"ץ שליט"א ראה"כ ש"ס רמת וויזניץ חיפה, מיט די כלה א טאכטער פון הגה"צ ר' יחיאל יהושע ראבינאוויטש שליט"א, זון פון כ"ק אדמו"ר מביאלא פשיסחא שליט"א, און איידעם ביי הגה"צ ר' יעקב ווייס שליט"א מרבני ערלוי.
כ"ק אדמו"ר מטאהש שליט"א לאזט זיך היינט ארויס קיין פארט לאראדעיל פלארידע, וואו דער רבי וועט זיך אויפהאלטן די קומענדיגע דריי וואכן אויף אפרוה.
כ"ק אדמו"ר ממודזיץ שליט"א וועלכער האט זיך אויפגעהאלטן די לעצטע פאר טעג אין קליוולאנד אהייא, לרגל די שמחת החתונה בבית גיסו כ"ק אדמו"ר מאלכסנדר קליוולאנד שליט"א, לאזט זיך היינט ארויס אויפן וועג צוריק אהיים קיין ארץ ישראל.
היינט נאכט געפאלט די יומא דהילולא קדישא פון כ"ק אדמו"ר הרה"ק רבי ישראל מבלאזוב זצ"ל, די אייניקלעך כ"ק האדמורי"ם מבלאזוב און בלאזוב ריבאטיטש שליט"א וועלן אפרעכטן די יארצייט טישן אין די בתי מדרשים.
אריינצושיקן מודעות און נייעס, שיקט אן אימעיל צו NEWS@JDNMAIL.COM
