שמחת בית בעלזא: היינט קומט פאר די שמחת האירוסין פון א אייניקל ביי כ"ק אדמו"ר מבעלזא שליט"א, החתן אלעזר יחזקאל שרגא נ"י זון פון בנו יחידו פון רבי'ן הגה"צ ר' אהרן מרדכי רוקח שליט"א, איידעם ביי כ"ק הגה"צ גאב"ד מאקאווא שליט"א, מיט די כלה א טאכטער פון הרה"ג ר' שלום גראס שליט"א דומ"ץ בק"ק מחזיקי הדת בעלזא, זון פון הרה"ג ר' ראובן גראס שליט"א מראשי ישיבת שער השמים, און איידעם ביי הרה"ג ר' שמאי קהת הכהן גראס שליט"א חבר ביד"ץ דקהל מחזיקי הדת בעלזא. – די שמחה קומט פאר אין די גרויסע שטוב אין קרית בעלזא ירושלים.

שמחת בית סאטמאר: היינט קומט פאר די שמחת התנאים פון א אייניקל ביי כ"ק אדמו"ר מסאטמאר שליט"א, די חתן א זון פון זיין יונגסטן זון הגה"צ ר' חנני' יו"ט ליפא טייטלבוים שליט"א רב ביהמ"ד ויואל משה ד'סאטמאר שכונת פלאשינג אין וויליאמסבורג, איידעם ביי הגה"צ ר' ברוך נתן האלבערשטאם שליט"א אבד"ק סאטמאר לאנדאן, מיט די כלה א טאכטער פון הגה"צ אבד"ק ברעזשאן שליט"א, זון פון הגה"צ אבד"ק אולם שליט"א, און איידעם ביי הגה"צ אבד"ק זאליזשא זצ"ל. – די שמחה קומט פאר אין ביהמ"ד תכלת מרדכי ברעזשאן אין בארא פארק.

שמחת בית ראחמיסטריווקא: היינט קומט פאר די סעודת עניים בחצר הקודש ראחמיסטריווקא, לקראת די קומענדיגע דריי חתונות פון אייניקלעך ביי כ"ק אדמו"ר מראחמיסטריווקא שליט"א, וואס קומט פאר דעם חודש חשון הבעל"ט, עס קומט פאר אין ביהמ"ד הגדול ראחמיסטריווקא אין בארא פארק, אינאיינעם מיטן המשך הפארשפיל לקראת די שמחת החתונה פון א אייניקל ביים רבי'ן דעם דינסטאג.

היינט קומט פאר די מעמד סיום מסכת שבת והתחלת מסכת עירובין בחצר הקודש וויזניץ אין מאנסי, געלערנט במסגרת הלימוד מאמר מרדכי דחסידי וויזניץ, עס קומט פאר אין די ווערדיגער זאל אין מאנסי, אין שפיץ פון כ"ק אדמו"ר מוויזניץ שליט"א פון מאנסי.

היינט קומט פאר די מעמד סיום תליתאי והתחזקות לקראת זמן החורף בחצר הקודש וויזניץ אין וויליאמסבורג, סיום מסכת שבת במסגרת הלימוד מאמר מרדכי דחסידי וויזניץ, סיום מסכת חולין, סיום ששה סדרי משנה במסגרת הלימוד משנת מרדכי, די מעמד קומט פאר אין זאל הדר ריזל אין וויליאמסבורג, אין שפיץ פון כ"ק אדמו"ר מוויזניץ שליט"א פון וומס"ב.

אריינצושיקן מודעות און נייעס, שיקט אן אימעיל צו NEWS@JDNMAIL.COM