שמחת בית ראחמיסטריווקא – ספינקא – סטריזוב – ציעשנוב – בערטש: היינט קומט פאר די שמחת החתונה פון א אייניקל ביי כ"ק אדמו"ר מראחמיסטריווקא שליט"א, די חתן א זון פון זיין איידעם הגה"צ ר' נפתלי אברהם אביש ווייס שליט"א, זון פון כ"ק אדמו"ר מספינקא שליט"א, מיט די כלה א טאכטער פון הגה"צ ר' מנחם מענדיל אייכענשטיין שליט"א, זון פון הגה"צ אבד"ק בערטש שליט"א, און איידעם ביי הגה"צ אבד"ק ציעשנוב שליט"א, איידעם ביי כ"ק אדמו"ר מסטריזוב שליט"א. – די שמחת החתונה קומט פאר אין ביהמ"ד הגדול ראחמיסטריווקא אין בארא פארק.
היינט קומט פאר די שמחת החתונה פונעם חתן א זון פון הגה"צ המשפיע ר' יודל דייטש שליט"א, זון פון הגה"צ ר' מתתיהו דייטש שליט"א גאב"ד רמת שלמה, און איידעם ביי הגה"צ גאב"ד קרית צאנז ירושלים שליט"א, מיט די כלה א טאכטער פון הגה"צ ר' ישראל יצחק סאפרין שליט"א, זון פון כ"ק אדמו"ר מקאמארנא שליט"א פון בית שמש, און איידעם ביי כ"ק אדמו"ר מאשלג זצ"ל. – די שמחת החתונה קומט פאר אין זאל כינור דוד אין בית שמש.
היינט נאכט ג' חשון געפאלט די יומא דהילולא קדישא פונעם הייליגן רוזינער זי"ע, די אייניקלעך כ"ק האדמורי"ם לבית רוזין, באיאן, בוהוש, סאדיגורא, און קאפיטשניץ שליט"א, וועלן אפרעכטן די יארצייט טישן ברוב עם.
כ"ק אדמו"ר מסאדיגורא ירושלים שליט"א קומט היינט אן צום שטאט סאדיגורא אין אוקראינע צו פוקד זיין דעם ציון הק' בעצם יומא דהילולא קדישא, און וועט היינט נאכט אפרעכטן די יארצייט טיש אינעם אלטן סאדיגורא קלויז אין שטאט.
היינט קומט פאר אן עצרת הספד והתעוררות אין ביהמ"ד הגדול צאנז קלויזענבורג אין בארא פארק, נאך די פריצייטיגע און פלוצלינגדיגע פטירה פון הרה"ג ר' צבי זאב בערגער זצ"ל מו"ץ בק"ק צאנז קלויזענבורג, אין שפיץ פון כ"ק אדמו"ר מצאנז קלויזענבורג שליט"א וועלכער וועט אויפטרעטן מיט דברי הספד והתעוררות.
כ"ק אדמו"ר מנדבורנא ירושלים שליט"א קומט היינט אן צוגאסט קיין ניו יארק לטובת מוסדותיו הקדושים, דער רבי שליט"א וועט זיך אויפהאלטן די קומענדיגע צוויי וואכן אין מאנסי בקרב חסידיו ומעריציו.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד נדבורנא באניא אויף רחוב דוד אין ירושלים, נדבת הרה"ח ר' חנני' יו"ט ליפא דוב שטערנהיים הי"ו, אין שפיץ פון כ"ק אדמו"ר מנדבורנא באניא שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
