די גאווערנער פון ניו יארק סטעיט פרוי האוקעל האט היינט באזוכט ביים היימישן ציבור אינעם עיר ואם בישראל בארא פארק, אין בעפארברייטונג צו די מידטוירם עלעקשאנס וואס קומט פאר אין צוויי וואכן ארום.
די גאווערנער האט צוערשט אפגעשטאט א באזוך אין די בארא פארק הצלה גאראדזש, וואו די עסקנים האבן איר צוגעוויזן די פילע פעולות צו ראטעווען לעבנס מיטן אויבערשטנס הילף. דערנאך איז פארגעקומען א זיצונג צווישן דעם גאווערנער און פילע אדמיניסטראטארן פון מוסדות התורה אין שטאט, אין בנין פון ת"ת ראחמיסטריווקא אויף די אכט און דרייסיגסטע סטריט, וואו עס איז אויסגעשמועסט געווארן פארשידענע ענינים איבער די וואוילזיין פון אחינו בני ישראל אין ניו יארק, די זיצונג איז צושטאנד געקומען און איז געווארן אנגעפירט דורכ'ן ניו יארק סטעיט אסעמבלימאן ר' שמחה אייכענשטיין הי"ו וואס פארטרעט דעם היימישן ציבור אין בארא פארק.
