שמחת בית וויזניץ: דעם מוצאי שבת קומט פאר די שמחת הווארט פון א אייניקל ביי כ"ק אדמו"ר מוויזניץ שליט"א לרפו"ש, די חתן א זון פון זיין זון הגה"צ ר' יצחק ישעי' האגער שליט"א, איידעם ביי כ"ק אדמו"ר מדעעש ירושלים זצ"ל, מיט די כלה א טאכטער פון הגה"צ ר' שלום ארי' לעמבערגער שליט"א, זון פון הגה"צ אבד"ק מאקאווא בני ברק זצ"ל, און איידעם ביי כ"ק אדמו"ר ממעליץ שליט"א פון אשדוד. – די שמחה קומט פאר אין ביהמ"ד הגדול אין קרית וויזניץ בני ברק.
שמחת בית באיאן: דעם מוצאי שבת קומט פאר די שמחת הבר מצוה פון א אייניקל ביי כ"ק אדמו"ר מבאיאן שליט"א, א זון פון בנו הגדול הגה"צ ר' יוסף ברייאר שליט"א. – די שמחה קומט פאר אינעם גרויסן באיאנער קלויז אין ירושלים עיה"ק.
שמחת בית באבוב: דעם מוצאי שבת קומט פאר די שמחת השבע ברכות פון א אייניקל ביי כ"ק אדמו"ר מבאבוב שליט"א, די כלה א טאכטער פון בנו הגדול הגה"צ ר' חיים שלום האלבערשטאם שליט"א, איידעם ביי הגה"צ גאב"ד סאטמאר ב"פ שליט"א, מיט די חתן א זון פון הגה"צ ר' אשר אנשיל מנחם זעלטענרייך שליט"א ראש ישיבת משנת חיים, זון פון הגה"צ אבד"ק טשאקאווא קערעסטיר שליט"א, און איידעם ביי כ"ק אדמו"ר מספינקא שליט"א. – די שמחת השבע ברכות קומט פאר אין ביהמ"ד הגדול באבוב אין בארא פארק צוגעשטעלט דורך קהל שערי ציון ד'באבוב.
שמחת בית צאנז: דעם מוצאי שבת קומט פאר די שמחת השבע ברכות פונעם חתן א זון פון הגה"צ ר' ישראל לעמבערגער שליט"א רב ביהמ"ד כלל חסידי אין די רמה ד' געגנט אין בית שמש, זון פון כ"ק גאב"ד מאקאווא שליט"א, און איידעם ביי כ"ק אדמו"ר מדזיקוב וויזניץ שליט"א, מיט די כלה א טאכטער פון הגה"צ ר' אברהם האלבערשטאם שליט"א אבד"ק קרית צאנז טבריה, זון פון כ"ק אדמו"ר מצאנז שליט"א, און איידעם ביי כ"ק אדמו"ר מסטראפקוב שליט"א. – די שמחת השבע ברכות קומט פאר אין מלון גלי צאנז אין קרית צאנז נתני', געאייגענט פאר די נדיבים ותומכים פונעם רבינ'ס קאסע קרן הצלה.
שמחת בית מאשלוי: דעם מוצאי שבת קומט פאר די שמחת השבע ברכות פון א אייניקל ביי כ"ק אדמו"ר מפארשעי שליט"א, די חתן א זון פון זיין איידעם הגה"צ ר' העניך שנעעבאלג שליט"א, זון פון הגה"צ אבד"ק מיקאלייעוו שליט"א, מיט די כלה א טאכטער פון כ"ק אדמו"ר ממאשלוי שליט"א, איידעם ביי כ"ק אדמו"ר מקאלוב שליט"א. – די שמחת השבע ברכות קומט פאר אין ביהמ"ד מאשלוי אין בארא פארק.
שמחת בית וויזניץ: דעם מוצאי שבת קומט פאר די סעודת עניים און מסיבת פרידה בחצר הקודש וויזניץ אין וויליאמסבורג, לקראת די שמחת החתונה פון א אייניקל ביים רבי'ן, די כלה א טאכטער פון בנו יחידו הגה"צ ר' חיים מאיר האגער שליט"א אב"ד תורת מרדכי וויזניץ וומס"ב אין מאנסי, וואס קומט פאר די קומענדיגע וואך אין ארץ ישראל, און לקראת דעם רבינ'ס נסיעה קיין ארץ ישראל לכבוד די שמחה, עס קומט פאר אין ביהמ"ד הגדול וויזניץ אין וויליאמסבורג.
שמחת בית ספינקא: דעם מוצאי שבת קומט פאר די שמחת הפארשפיל פונעם חתן א זון פון הגה"צ ר' ארי' מרדכי ראבינאוויטש שליט"א, זון פון כ"ק אדמו"ר ממשכנות הרועים שליט"א, און איידעם ביי כ"ק אדמו"ר מבית יצחק ספינקא שליט"א, מיט די כלה א טאכטער פון הגה"צ ר' מנחם נחום טווערסקי שליט"א, זון פון כ"ק אדמו"ר מטשארנאביל שליט"א, און איידעם ביי הגה"צ ר' נפתלי אלימלך לייזער שליט"א אבד"ק פשעווארסק לאנדאן, בנו הגדול פון כ"ק אדמו"ר מפשעווארסק שליט"א. – די שמחת הפארשפיל קומט פאר אין ספינקא בית המדרש אויף קיעפ סטריט אין וויליאמסבורג, אינאיינעם מיטן מסיבת פרידה לקראת דעם רבינ'ס נסיעה קיין לאנדאן לכבוד די שמחה.
דעם מוצאי שבת קומט פאר די גרויסע מעמד גבורת שמונים, חגיגת יובל השמונים וכינוס התלמידים רבתי לטובת ישיבת סלאבאדקע בארה"ק, די מעמד קומט פאר אין די פראכטפולע בערקלי רעזארט האטעל אין ניו דזשערזי, אין שפיץ פון הגאון הגדול רבי משה הלל הירש שליט"א ראש ישיבת סלאבאדקע.
כ"ק גאב"ד מאקאווא שליט"א וועלכער האלט זיך אויף די טעג אויף א נסיעה צו די קברי צדיקים אין אונגארן, וועט דעם מוצאי שבת אנקומען צום שטאט טשענגער, צו פוקד זיין דעם ציון הק' פון זקינו הגה"ק בעל מנוחת אשר מטשענגער זי"ע, לרגל די הילולא קדישא וואס געפאלט מוצאי שבת ה' כסלו.
אריינצושיקן מודעות און נייעס, שיקט אן אימעיל צו NEWS@JDNMAIL.COM
