דעם מאנטאג פרשת ויצא וועט כ"ק אדמו"ר מבית יצחק ספינקא שליט"א ארויספארן אויף א געהויבענע נסיעה קיין לאנדאן ענגלאנד, לקראת די שמחת החתונה פון א אייניקל בשעה טובה ומוצלחת, די חתן א זון פון זיין איידעם הגה"צ ר' ארי' מרדכי ראבינאוויטש שליט"א, זון פון כ"ק אדמו"ר ממשכנות הרועים שליט"א, מיט די כלה א אור אייניקל פון כ"ק אדמו"ר מפשעווארסק שליט"א, און א אייניקל ביים רבינ'ס שוואגער כ"ק אדמו"ר מטשארנאביל שליט"א.
דעם שבת קודש פרשת תולדות איז פארגעקומען די שמחת האויפרוף בצל הקודש פונעם ספינקא רבי'ן שליט"א אין וויליאמסבורג, נאכגעפאלגט מיטן שמחת הפארשפיל און מסיבת פרידה וואס קומט פאר היינט מוצאי שבת קודש אין ספינקא בית המדרש אויף קיעפ סטריט.
מאנטאג נאכט וועט זיך דער רבי שליט"א ארויסלאזן אין וועג אין באגלייטונג פון א שיינע ציבור חסידים, און דינסטאג אינדערפרי וועט מען אנקומען קיין לאנדאן, וואו דעם רבינ'ס אכסניא וועט זיין אין שטוב פון הרה"ג ר' ישכר בעריש הערשבערג שליט"א. מאנטאג נאכט וועט פארקומען די סעודת עניים אין זאל פון ביהמ"ד חרדים, און מיטוואך אויפדערנאכט וועט פארקומען די גרויסע שמחת החתונה אין זאל פון יסודי התורה אין שטאט.
דער רבי שליט"א וועט פארבלייבן אויף שבת קודש אין לאנדאן, און אפרעכטן די תפילות און טישן אין זאל פון פרדס וויזניץ, אינאיינעם מיטן שמחת השבע ברכות בחצר הקודש. דאנערשטאג ממחרת החתונה וועט פארקומען די שמחת השבע ברכות דורכ'ן רבי'ן אין זאל פון תלמוד תורה בני ציון ד'באבוב, און דינסטאג פרשת וישלח וועט זיך דער רבי שליט"א אומקערן אהיים למעון קדשו אין ניו יארק.
