היינט נאכמיטאג איז כ"ק אדמו"ר מקאסוב שליט"א לרפואה שלימה אריינגעפירט געווארן אין שפיטאל, נאך א לענגערע שוואכקייט וואס דער רבי גייט אריבער אין די יעצטיגע תקופה, און די דאקטוירים זענען נישט צופרידן פון די אנטוויקלונגען ליידער.
א גרויסע עצרת תפילה במעמד קהל רב איז פאררופן געווארן אויף היינט ביינאכט ניין אזייגער אין ביהמ"ד קאסוב אין בארא פארק, וואו הונדערטער אידן וועלן זיך צוזאמגעקומען מתפלל זיין און מעורר זיין רחמי שמים פארן רבינ'ס געזונט, כ"ק מרן הרה"צ רבי שרגא פייוויש בן מלכה לרפואה שלימה.
איידער אמירת תהלים וועלן אויפטרעטן מיט דברי התעוררות, דעם רבי'נס ברודער הגה"צ ר' חיים האגער שליט"א אב"ד זאליטשיק, און דעם רבינ'ס איידעם הגה"צ ר' ישכר רובין שליט"א אב"ד קאזניץ סיגעיט.
והן קל כביר תפילת הרבים לא ימאס.
