היינט פארטאגס האט כ"ק אדמו"ר מסערט וויזניץ שליט"א געלאנדעט אין ניו יארק, קומענדיג אויף א באזוך פון עטליכע טעג צו מנחם אבל זיין בחצר הקודש קאסוב, ביי זיין איידעם כ"ק אדמו"ר מקאסוב שליט"א, וועלכער איז נתעטר געווארן בכתר האדמורו"ת צו די הסתלקות פון כ"ק אדמו"ר מקאסוב זצ"ל, ידידו ומחותנו פונעם סערט וויזניצער רבי'ן שליט"א.
היינט צופרי האט דער רבי געדאווענט שחרית בבית מדרשו אין בארא פארק, און דערנאך אנגעקומען לבית האכסניא אין שטוב פון הנגיד החסיד ר' ברוך היילפערין הי"ו, שפעטער אין טאג איז דער רבי אנגעקומען אויף ניחום אבלים און ארומגעשמועסט שיינע זכרונות א לענגערע צייט, חתנו כ"ק אדמו"ר מקאסוב שליט"א האט פארגעלערנט משניות, און דערנאך האבן די גבאים צוגעוויזן פארן רבי'ן די נייע בנין בית המדרש דחסידי קאסוב.
שפעטער פארנאכטס איז דער רבי ווידער אנגעקומען לבית האבלים אין ביהמ"ד קאסוב, און געדאווענט דארט מנחה אינאיינעם מיט די קינדער האדמורי"ם והרבנים.
