ברגשי שמחה וחדווה איז יעצט באשטעטיגט געווארן אז די גרויסארטיגע מעמד הנחת אבן הפינה פאר די נייע בנין המתיבתא דחסידי באבוב 45 אין בארא פארק, וועט פארקומען דעם קומענדיגן זונטאג פרשת כי תבוא י"ב אלול, ברחובה של עיר, אין שפיץ פון כ"ק אדמו"ר מבאבוב 45 שליט"א ריש מתיבתא קדישא.
די נייע בנין המתיבתא ווערט געבויעט אויף א גרויסע שטח אויף די פופצנטע עוועניו צווישן די זיבן און דרייסיגסטע סטריט און די אכט און דרייסיגסטע סטריט, און אצינד האלטענדיג שוין אינמיטן די בוי ארבעט צו אנגרייטן דעם שטח הבניה, וועט פארקומען די גרויסארטיגע מעמד ווען דער רבי שליט"א וועט גיסן די אבן הפינה בשלהבת אש קודש, און א ריזן ציבור איז ערווארטעט מיטצוהאלטן די גרויסע מעמד, איבערהויפט די הונדערטער בחורים בחורי המתיבתא און די תלמידי הישיבות הקדושות.
די מעמד וועט פארקומען זונטאג פינף דרייסיג נאכמיטאג, און די עסקנים ארבעטן אויס אצינד די לעצטע פלענער צו פארזיכערן די גאנצע מעמד על צד היותר טוב.
