אפדעיט 2:00 נאכמיטאג
דער געזוכטער פארברעכער איז ב"ה געכאפט געווארן דורך די פאליציי, זייענדיג באהאלטן אין א וואלד אויף קלאוו ראוד אין וואודבארי, די לאקדאון אויף די סקולס איז שוין געווארן אויפגעלעזט.
א זיכערהייט אינצידענט שפילט זיך אפ אין די קרית יואל'ער אומגעגנט, נאך וואס א באוואפנטע פארברעכער איז אנטלאפן פון די פאליציי אויף די ניו יארק סטעיט טרואוועי, און אריינגעלאפן צווישן די דערנעבענדיגע וועלדער, אויפברענגענדיג זארג אז ער וועט שאפן א געפאר פאר די אומגעגנט.
דער פארברעכער איז געווארן אפגעשטעלט דורך די פאליציי אויף די ניו יארק סטעיט טרואוועי, נישט ווייט פון עקזיט 16 נעבן קרית יואל, מיטאמאל האט ער געהויבן פיס און אנטלאפן אריין אין די וואלד, אין ריכטונג פון די וואודבארי געגנט בגלילות קרית יואל, די סטעיט פאליציי האט אונטערגענומען א מאסיווע זוכעריי נאך אים, און אפעלירט צו איינוואוינער אין די געגנט צו האלטן א אויג געבנדיג א בילד פון דעם פארשוין.
אויפן פארלאנג פון די סטעיט פאליציי זענען אלע שולעס אין מאנראו און וואודבארי געווארן פארשלאסן אויף דערווייל, אריינגערעכנט עטליכע היימישע מוסדות אין קרית יואל וואס פארמאגן א ערנסטע פאליצייאישע אנוועזנהייט על כל צרה שלא תבוא.
