נעכטן זונטאג נאכמיטאג איז פארגעקומען א ספעציעלע זיצונג אין קרית יואל בביתו נאוה קודש פון כ"ק אדמו"ר מסאטמאר שליט"א, וואו עס זענען געווען אנוועזנד דער לאקאלער קאנגרעסמאן פעט רייען, און זיין אויבערהאר האקים דזשעפריס, וועלכער איז דער דעמאקראטישער מינאריטעט פירער, אינאיינעם מיט העסקן ר' שמחה אייכענשטיין הי"ו ניו יארק אסעמבלימאן.
ביים זיצונג זענען אויך געווען אנוועזנד די ראשי ועסקני עיר קרית יואל, ר' אברהם ווידער הי"ו מעיאר, ר' גדלי' סעגעדין הי"ו ווילעדזש אדמיניסטראטאר, און ר' עקיבא הערש קליין הי"ו פון די גרעסטע דעוועלאפערס אין קרית יואל. עס איז ארומגעשמועסט געווארן פארשידענע ענינים העומדים על הפרק, איבער די גזירת החינוך וואס הויערט אויף אחינו בני ישראל דרי ניו יארק רבתי, איבער די ווייטערדיגע הרחבת הגבולים אין קרית יואל, און נאך פארשידענע ענינים.
