א העלישע פייער האט אויסגעבראכן היינט נאכמיטאג ביי ביהמ"ד צאנז אויף די אכט און פערציגסטע סטריט, צווישן די זעכצנטע און די זיבעצנסטע עוועניוס, וואו עס איז אריינגעקומען באריכטן איבער גאר העלישע פלאמען, און מעגליכע פארכאפטע אין די געביידע.
פייערלעשער האבן באוויזן צו ברענגען די פייער אין קאנטראל, וואס האט זיך ווארשיינליך אנגעהויבן דורך א עלעקטעריק פראבלעם, בחסדי השם איז קיינער נישט פארוואונדעט געווארן, אבער די שאדן וואס די פייער האט אנגעברענגט איז היבש גרויס, איבערהויפט אין די אונטערשטע טייל פון די געביידע, אין צוגאב צו א ריזן הויפן ספרי קודש וואס זענען ליידער פארברענט געווארן.
