שמחת בית סאטמאר – קאלוב: דעם שב"ק קומט פאר די שמחת האויפרוף פונעם חתן א זון פון הגה"צ ר' אלכסנדר אשכנזי שליט"א אב"ד קאריץ, זון פון כ"ק אדמו"ר מהורדענקא שליט"א פון פלעטבוש, און איידעם ביי כ"ק אדמו"ר מקאלוב שליט"א, מיט די כלה א אייניקל ביי כ"ק אדמו"ר מסאטמאר שליט"א, א טאכטער פון זיין זון הגה"צ ר' יעקב בער טייטלבוים שליט"א אב"ד סיגעט, איידעם ביי כ"ק אדמו"ר משאפראן זצ"ל. – די שמחת האויפרוף קומט פאר בצל הקודש פונעם זיידן כ"ק אדמו"ר מקאלוב שליט"א אין וויליאמסבורג.
שמחת בית וויזניץ: דעם שב"ק קומט פאר די שמחת האויפרוף פון א אייניקל ביי כ"ק אדמו"ר מוויזניץ שליט"א פון קייאמישע, די חתן א זון פון זיין זון הגה"צ ר' אברהם יהושע העשיל האגער שליט"א, איידעם ביי כ"ק אדמו"ר מבארניב שליט"א, מיט די כלה א טאכטער פון כ"ק אדמו"ר מוויזניץ שליט"א פון מאנטריאל. - די שמחת האויפרוף קומט פאר אין ביהמ"ד הגדול אין קרית וויזניץ קייאמישע לעיק.
שמחת בית ספינקא: דעם שב"ק קומט פאר די שמחת האויפרוף פון א אייניקל ביי כ"ק אדמו"ר מספינקא שליט"א פון בני ברק, די חתן א זון פון זיין זון הגה"צ ר' אלעזר אלימלך ווייס שליט"א רב חסידי ספינקא אין בית שמש, איידעם ביי הגה"צ אבד"ק טריסק ב"ב שליט"א, מיט די כלה א טאכטער פון הגה"צ ר' ברוך צבי רוטנער שליט"א אדמו"ר מספינקא בית שמש. – די שמחת האויפרוף קומט פאר אין ספינקא בית המדרש אויף רחוב דונולו אין בני ברק.
שמחת בית טשערנאביל – ראדאמישלא – ביקסאד: דעם שב"ק קומט פאר די שמחת האויפרוף פון חתן כלה אייניקלעך פון כ"ק אדמו"ר מטשערנאביל שליט"א, די חתן א זון פון זיין איידעם הגה"צ ר' חיים היילפערין שליט"א, זון פון הגה"צ גאב"ד ראדאמישלא רמות שליט"א, מיט די כלה א טאכטער פון זיין איידעם הגה"צ ר' שמעי' יודא פיש שליט"א, זון פון כ"ק אדמו"ר מביקסאד שליט"א. – די שמחת האויפרוף קומט פאר בצל הקודש פונעם דאפלטן זיידן כ"ק אדמו"ר מטשערנאביל שליט"א, אין זאל בנות חי' אין בארא פארק.
שמחת בית ביאלא: דעם שב"ק קומט פאר די שמחת האויפרוף פון א אייניקל ביי כ"ק אדמו"ר מביאלא זצ"ל בעל מבשר טוב, די חתן א זון פון בנו הצעיר הגה"צ ר' אברהם משה ראבינאוויטש שליט"א רב חסידי ביאלא אין מעלה עמוס, מיט די כלה א טאכטער פון הרב יוחנן ראבינאוויטש שליט"א, זון פון הגה"צ ר' מנחם בנציון ראבינאוויטש שליט"א, און איידעם ביי הגה"צ ר' מתתיהו טווערסקי שליט"א אבד"ק ראחמיסטריווקא ביתר, אור אייניקל פון כ"ק אדמו"ר מראחמיסטריווקא זצ"ל פון ירושלים. – די שמחת האויפרוף קומט פאר אין ביהמ"ד הגדול ביאלא אין ירושלים.
שמחת בית נדבורנא אלעד: דעם שב"ק קומט פאר די שמחת האויפרוף פונעם חתן א זון פון כ"ק אדמו"ר מנדבורנא אלעד שליט"א, איידעם ביי כ"ק אדמו"ר מחוסט שליט"א פון וויליאמסבורג, מיט די כלה א טאכטער פון הגה"צ ר' יצחק נתן שפירא שליט"א, זון פון הגה"צ ר' אהרן שפירא שליט"א אב"ד נאראל ב"ב, זון פון כ"ק אדמו"ר מנאראל שליט"א, און איידעם ביי כ"ק אדמו"ר מזוועהיל ירושלים שליט"א. – די שמחת האויפרוף קומט פאר אין זאל פון מוסדות צמח צדיק וויזניץ אין שטאט אלעד.
דעם שב"ק קומט פאר די שמחת השלום זכר פון א אור אייניקל ביי כ"ק אדמו"ר מגור שליט"א, בן הנולד ביי הרב ארי' טרויבע שליט"א, איידעם ביים רבינ'ס איידעם הגה"צ ר' שמעון רוטשטיין שליט"א. כ"ק אדמו"ר מגור שליט"א וועט אפרעכטן א פירות טיש פרייטאג צונאכטס לכבוד די שמחה, אין ביהמ"ד הגדול גור אין ירושלים.
דעם שב"ק קומט פאר די שמחת השלום זכר און ברית מילה פון א אור אייניקל ביי כ"ק אדמו"ר מסקווירא שליט"א, אייניקל פון בנו הגדול הגה"צ ר' אהרן מענדיל טווערסקי שליט"א, בן הנולד ביי זיין זון הרב ישעי' זושא טווערסקי שליט"א, איידעם ביי כ"ק אדמו"ר מבארניב שליט"א. – די שמחה קומט פאר אין ביהמ"ד הגדול אין שיכון סקווירא.
כ"ק אדמו"ר מסאטמאר שליט"א איז צוגאסט אויף דעם שבת אין קרית יואל בקרב חסידיו, לרגל די התחלת ימי השובבי"ם, די תפילות און טישן קומען פאר אינעם נייעם ביהמ"ד הגדול ד'סאטמאר היכל אלטר יחזקאל. בנו הגה"צ אבד"ק סיגעט שליט"א וועלכער איז צוגאסט אויף שבת אין וויליאמסבורג לרגל די שמחת האויפרוף במעונו, וועט פראווענען שלש סעודות אויף א גרויסע פארנעם אין זאל פון פרדס צבי, געאייגענט פאר די טויזענטער תלמידי הישיבות הקדושות ד'סאטמאר.
כ"ק אדמו"ר מוויזניץ שליט"א פון בית שמש וועט פראווענען דעם שב"ק בקרב תלמידי ישיבתו הק' תורת מרדכי וויזניץ, נאך שבת וועט דער רבי ארויספארן אויף א קורצע נסיעה קיין ניו יארק, צו מנחם אבל זיין אחיו הגדול כ"ק אדמו"ר מוויזניץ שליט"א פון מאנסי.
כ"ק אדמו"ר מטאהש שליט"א וויילט דעם שבת אין פארט לאראדעיל פלארידע אויף אפרוה.
כ"ק אדמו"ר מערלוי שליט"א וויילט דעם שבת אין טבריה אויף אפרוה.
כ"ק אדמו"ר מפיטסבורג שליט"א וועלכער איז צוגאסט די טעג אין ניו יארק לטובת מוסדותיו הקדושים, וועט וויילן דעם שבת אין סידערהויסט, בצל דודו כ"ק אדמו"ר מאסטראוו קאלושין שליט"א.
כ"ק אדמו"ר ממבקשי אמונה שליט"א איז צוגאסט אויף דעם שבת אין די רמה ד' געגנט אין בית שמש, די תפילות און טישן קומען פאר אין ספינקא בית המדרש, שלש סעודות אין ביהמ"ד שער התפילה.
אריינצושיקן מודעות און נייעס, שיקט אן אימעיל צו NEWS@JDNMAIL.COM
