היינט קומט פאר א גרויסע פארהער אין ביהמ"ד הגדול דחסידי גור אין ירושלים, וואו הונדערטער קינדער, בחורים, און אינגעלייט, וועלן זיך פארהערן אין ראם פון סדר לימוד מזומנים, די מעמד קומט פאר אין שפיץ פון כ"ק אדמו"ר מגור שליט"א.
היינט קומט פאר די מעמד יובל העשור אין קהילת בעלזא אין לעיקוואד, אין שפיץ פון הרה"ג ר' דוד רוקח שליט"א נכד כ"ק אדמו"ר מבעלזא שליט"א.
היינט קומט פאר די מעמד הכנסת ספר תורה וואס ווערט אריינגעגעבן צום היכל הכולל אין קרית צאנז נתני', נדבת ר' נתנאל שאקי הי"ו, אין שפיץ פון כ"ק אדמו"ר מצאנז שליט"א.
היינט קומט פאר די שמחת החתונה פונעם חתן א זון פון כ"ק אדמו"ר מסאטינוב שליט"א, זון פון כ"ק אדמו"ר מקאליש זצ"ל און איידעם ביי כ"ק אדמו"ר מסטרעליסק זצ"ל, מיט די כלה א טאכטער פון הגה"צ ר' איתמר ראטטענבערג שליט"א, זון פון הגה"צ אבד"ק סאלקא שליט"א, און איידעם ביי כ"ק אדמו"ר מקאסאן לאנדאן שליט"א. – די שמחת החתונה קומט פאר אין ווילחאוויץ זאל אין מאנסי.
שמחת בית וויזניץ – תולדות מרדכי: היינט קומט פאר די שמחת הווארט פון א אייניקל ביי כ"ק אדמו"ר מוויזניץ שליט"א פון קייאמישע, די חתן א זון פון זיין איידעם הגה"צ ר' יהושע פיש שליט"א, זון פון כ"ק אדמו"ר מביקסאד שליט"א, מיט די כלה א טאכטער פון הגה"צ ר' יוחנן טווערסקי שליט"א, זון פון הגה"צ ר' דוד טווערסקי שליט"א אבד"ק ראחמיסטריווקא ירושלים, און איידעם ביי כ"ק אדמו"ר מתולדות מרדכי שליט"א, זון פון הגה"צ אבד"ק ראחמיסטריווקא מאנסי שליט"א, און איידעם ביי כ"ק אדמו"ר מלויעוו טשערנאביל שליט"א. - די שמחה קומט פאר אין ביהמ"ד הגדול אין שיכון וויזניץ מאנסי.
כ"ק אדמו"ר מסאסוב שליט"א וועלכער איז צוגאסט די טעג אין ניו יארק לטובת מוסדותיו הקדושים, וועט היינט אנקומען צו די פייוו טאונס געגנט און ארויפגיין לבתי נגידים ושועים אויף א רייע מסיבות און באנקעטן.
כ"ק אדמו"ר מסאדיגורא שליט"א פארט היינט ארויס קיין חוץ לארץ אויף אפרוה.
אריינצושיקן מודעות און נייעס, שיקט אן אימעיל צו NEWS@JDNMAIL.COM
