היינט קומט פאר די שמחת השבע ברכות פון א אייניקל ביי כ"ק אדמו"ר מקאמארנא שליט"א פון בית שמש, די כלה א טאכטער פון זיין זון הגה"צ ר' יעקב אשר סאפרין שליט"א. – די שמחה קומט פאר אין ביהמ"ד קאמארנא אין בית שמש.
כ"ק אדמו"ר מסקווירא שליט"א וועלכער האט געוויילט די לעצטע דריי וואכן אין כרמל קאליפארניע אויף אפרוה, קערט זיך היינט צוריק למעון קדשו אין שיכון סקווירא, ביינאכט נאך מעריב וועט פארקומען א גרויסע מעמד קבלת פנים אין די גרויסע שאטער אין סקווירא שטעטל.
היינט קומט פאר די מעמד חנוכת הבית פאר די נייע איבערגעבויעטע בית המדרש דק"ק מאחנובקא בעלזא אין וויליאמסבורג, אינאיינעם מיט די מסיבת לחיים לרגל די יום הצלה ט' שבט פון הרה"ק מבעלזא זי"ע, עס קומט פאר אין שפיץ פון כ"ק אדמו"ר ממאחנובקא בעלזא שליט"א וועלכער איז צוגאסט די טעג אין ניו יארק בקרב חסידיו.
היינט קומט פאר די מעמד כבוד התורה אין ישיבת עול התורה ראחמיסטריווקא אין לעיקוואד, סיום מסכת בבא מציעא און חלוקת פרסים פאר די תלמידי הישיבה, עס קומט פאר אין זאל פון ישיבה קטנה, אין שפיץ פון כ"ק אדמו"ר מראחמיסטריווקא שליט"א פון לעיקוואד.
היינט קומט פאר אן עצרת הספד ככלות השבעה צו די פטירה פון הגה"צ ר' משה צבי זאבערמאן זצ"ל לאנגיעריגער מרביץ תורה אין שטאט בארא פארק, עס קומט פאר אין היכל ישיבת בית מאיר אין בארא פארק.
היינט קומט פאר די מעמד הכנסת ספר תורה צום סקווירא בית המדרש אין ירושלים, נדבת הנגיד החסיד ר' אביגדור עסטרייכער הי"ו, עס קומט פאר אין שפיץ פון הגה"צ ר' יצחק טווערסקי שליט"א בן כ"ק אדמו"ר מסקווירא שליט"א.
היינט נאכט ט' שבט געפאלט די יומא דהילולא קדישא פון כ"ק אדמו"ר מסקווירא זצ"ל מב"פ, בנו כ"ק אדמו"ר מסקווירא מב"פ שליט"א וועט אפרעכטן די יארצייט טיש היינט אויפדערנאכט בבית מדרשו אין בארא פארק, און מארגן פארמיטאג ארויפגיין צום ציון הק' אין לאנג איילענד.
היינט קומט פאר די שמחת החתונה פונעם חתן א זון פון הרב מרדכי טייטלבוים שליט"א, זון פון הגה"צ אבד"ק נעפלעמיץ שליט"א, און איידעם ביי הגה"צ ר' יהושע העשיל ראזנער שליט"א מטערצאל, מיט די כלה א טאכטער פון הרב משה אהרן געלדצעהלער שליט"א, זון פון הגה"צ ר' דניאל געלדצעהלער שליט"א ראש ישיבת אור ישראל, און איידעם ביי הגה"צ אבד"ק לינז שליט"א. – די שמחת החתונה קומט פאר אין תפארת רבקה זאל אין בארא פארק.
היינט קומט פאר די שמחת הברית פון א אור אייניקל ביי כ"ק אדמו"ר מגור שליט"א, בן הנולד ביי הרב נחמי' ראנד שליט"א, זון פונעם רבינ'ס איידעם הגה"צ ר' אברהם שמואל ראנד שליט"א. – די שמחת הברית קומט פאר אין ביהמ"ד הגדול גור אין ירושלים.
היינט קומט פאר די שמחת השבע ברכות פונעם חתן יונגסטע קינד ביי כ"ק אדמו"ר משאץ שליט"א פון מאנסי, איידעם ביי כ"ק אדמו"ר הרה"ק בעל תורת מרדכי מוויזניץ זי"ע, מיט די כלה א טאכטער פון הגה"צ ר' יהושע פיש שליט"א, זון פון כ"ק אדמו"ר מביקסאד שליט"א, און איידעם ביי כ"ק אדמו"ר מוויזניץ שליט"א פון קייאמישע. – די שמחת השבע ברכות קומט פאר אין היכל ישיבה גדולה תורת מרדכי וויזניץ אין בלומינגראוו.
היינט קומט פאר די שמחת השבע ברכות פון צוויי אייניקלעך ביי כ"ק אדמו"ר מפשעווארסק שליט"א, לרגל די שמחת החתונה פון די חתן יונגסטע קינד פון בנו הגדול הגה"צ ר' נפתלי אלימלך לייזער שליט"א אבד"ק פשעווארסק לאנדאן, און לרגל די שמחת החתונה פון כלה א אייניקל ביים רבינ'ס זון הגה"צ ר' שמעלקא לייזער שליט"א. – די שמחת השבע ברכות קומט פאר אין פשעווארסקער בית המדרש אין ירושלים.
אריינצושיקן מודעות און נייעס, שיקט אן אימעיל צו NEWS@JDNMAIL.COM
