אלפי חסידי סאטמאר די בכל אתר ואתר וואונטשן זיך מזל טוב לרגל די גרויסע שמחה בחצר הקודש, מיט די שידוך שליסן פון די עלטסטע אור אייניקל ביי כ"ק אדמו"ר מסאטמאר שליט"א, עלטסטע אייניקל ביי בנו הגדול הגה"צ אבד"ק סאטמאר וומס"ב שליט"א, און עלטסטע אור אייניקל ביי זיין שווער הגה"צ גאב"ד סאטמאר ב"פ שליט"א.
די כלה איז א טאכטער פון הרה"ג ר' יואל גלאנץ שליט"א מו"ץ בק"ק סאטמאר וומס"ב, זון פון הגה"צ ר' יחזקאל גלאנץ שליט"א מבארדיוב, און איידעם ביי הגה"צ אבד"ק סאטמאר וומס"ב שליט"א. די חתן איז א תלמיד פון די ישיבה הק' אין קרית יואל, א זון פון הרה"ג ר' יעקב שלמה פאנעט שליט"א רב דקהל שערי תפילה אין קרית יואל, זון פון כ"ק אדמו"ר מקארלסבורג מאנטריאל שליט"א, און איידעם ביי הגה"צ ר' יהושע העשיל וואגשאהל שליט"א אבד"ק יאסלא, אור אייניקל פון הגה"צ ר' מנשה מאיער שליט"א גאב"ד גרינוויל דזשערזי סיטי.
לכבוד די גרויסע שמחה, וועט דער געהויבענער עלטער זיידע כ"ק אדמו"ר מסאטמאר שליט"א אפרעכטן א מסיבת לחיים במעון הנופש אין פאלם ספרינגס קאליפארניע, וואו דער רבי וויילט די טעג אויף אפרוה, די לחיים וועט פארקומען היינט אויפדערנאכט נאך תפילת מעריב, און אין די קומענדיגע טעג נאך וואס דער רבי וועט זיך אומקערן למעון קדשו אין קרית יואל, וועט דער רבי שליט"א מפאר זיין בראש השמחה ביי די שמחת התנאים ברוב שמחה וחדוה.
