היינט קומט פאר די שמחת החתונה פונעם חתן א זון פון הגה"צ ר' יוסף פאנעט שליט"א, זון פון כ"ק אדמו"ר מדעעש זצ"ל בעל אמרי צבי, מיט די כלה א טאכטער פון הגה"צ ר' שלמה אלעזר ראזענבערגער שליט"א, זון פון הגה"צ ר' מאיר ראזענבערגער זצ"ל מדיערעש, און איידעם ביי כ"ק גאב"ד טאהש מאנסי שליט"א. – די שמחת החתונה קומט פאר אין זאל עטרת גינענדל אין מאנסי.
היינט קומט פאר די שמחת הברית פון א אור אייניקל ביי כ"ק אדמו"ר מפאפא שליט"א, אייניקל פון זיין זון הגה"צ ר' פנחס חיים גרינוואלד שליט"א אבד"ק פאפא מאנסי, איידעם ביי כ"ק אדמו"ר מסטראזניץ שליט"א, בן הנולד ביי זיין זון הרב אשר מרדכי גרינוואלד שליט"א, איידעם ביי הגה"צ ר' איתמר ראזענבוים שליט"א אבד"ק אור מרדכי טשעסנאט רידזש, זון פון כ"ק אדמו"ר מסטראזניץ שליט"א, און איידעם ביי הגה"צ אבד"ק סאלקא שליט"א. – די שמחה קומט פאר אין ביהמ"ד הגדול פאפא אין וויליאמסבורג.
היינט קומט פאר די מעמד שני אלפים תורה, סיום מסכת שבת והתחלת מסכת עירובין במסגרת הלימוד לבאי באורייתא דחסידי סקאליע, עס קומט פאר אין זאל סטערלינג בענקוויט אין בנין פון ת"ת בעלזא, אין שפיץ פון כ"ק אדמו"ר מסקאליע שליט"א.
כ"ק אדמו"ר מקוסוב וויזניץ שליט"א לאזט זיך היינט ארויס אויפן וועג קיין אמעריקע, צו באשיינען די שמחת החתונה פון א אייניקל וואס קומט פאר די קומענדיגע וואך אין בארא פארק, די קומענדיגע וואך וועט זיך דער רבי אויפהאלטן אין לעיקוואד, אין שטוב פון זיין זון הרב שלום עוזר קארנרייך שליט"א.
כ"ק אדמו"ר משינאווא שליט"א קומט היינט אן צוגאסט קיין אנטווערפן, צו באזוכן ביים שווער כ"ק אדמו"ר מפשעווארסק שליט"א, און אויפצוטרייבן סכומים הגונים לטובת מוסדותיו הקדושים "קאלאשיץ" אין מאנסי.
היינט נאכט ו' טבת געפאלט די יומא דהילולא קדישא פון הגה"ק משינאווא זי"ע בעל דברי יחזקאל, פילע אידן קומען אן צום שטאט שינאווא אין פוילין צו פוקד זיין דעם ציון הק' בעצם יומא דהילולא, א גרויסע יארצייט סעודה קומט פאר אינעם גרויסן שאטער נעבן דעם ציון הק', און הכנסת אורחים בית שינאווא.
כ"ק אדמו"ר מסטראפקוב שליט"א וועט היינט אויפדערנאכט אפרעכטן די יארצייט טיש לרגל די הילולא קדישא פון זקינו הגה"ק משינאווא זי"ע בעל דברי יחזקאל, בבית מדרשו אין די מאה שערים געגנט אין ירושלים.
כ"ק אדמו"ר מקאפיטשניץ שליט"א וועט היינט פארמיטאג אנקומען צום בית החיים נחלת יצחק אין גבעתיים, צו פוקד זיין דעם ציון הק' פון הרה"ק בעל אביר יעקב מסאדיגורא זי"ע, לרגל די הילולא קדישא וואס געפאלט היינט ה' טבת.
היינט נאכט ו' טבת געפאלט די יומא דהילולא קדישא פון כ"ק אדמו"ר מביאלא פשיסחא זצ"ל בעל ברכת צבי, די קינדער כ"ק האדמורי"ם מביאלא פשיסחא שליט"א וועלן אפרעכטן די יארצייט טיש אין זאל מונדיאל אין ירושלים.
אריינצושיקן מודעות און נייעס, שיקט אן אימעיל צו NEWS@JDNMAIL.COM
