שמחת בית ראחמיסטריווקא - וויזניץ: היינט קומט פאר די שמחת הווארט פונעם חתן א זון פון הגה"צ ר' מענדיל האגער שליט"א, זון פון כ"ק אדמו"ר מוויזניץ שליט"א פון מאנטריאל, און איידעם ביי הגה"צ אבד"ק ראחמיסטריווקא מאנסי שליט"א, מיט די כלה א טאכטער פון הגה"צ ר' מרדכי פנחס טווערסקי שליט"א ראש ישיבת עסק התורה ראחמיסטריווקא, זון פון כ"ק אדמו"ר מראחמיסטריווקא שליט"א, און איידעם ביי כ"ק אדמו"ר מוויזניץ שליט"א פון קייאמישע. – די שמחה קומט פאר אין ביהמ"ד הגדול ראחמיסטריווקא אין בארא פארק.
היינט קומט פאר די שמחת התנאים פונעם חתן א זון פון הרב ברוך פנחס שיק שליט"א, זון פון כ"ק אדמו"ר מאוסטראה שליט"א פון וועסלי הילס, און איידעם ביי הגה"צ אבד"ק טאמאשוב שליט"א, מיט די כלה א טאכטער פון הגה"צ ר' משה יהושע מיכלאוויטש שליט"א אדמו"ר מבראד, איידעם ביי כ"ק אדמו"ר מנאראל שליט"א. – די שמחה קומט פאר אין זאל פון ביהמ"ד ניקלשבורג אין מאנסי.
שמחת בית סקאליע: עס איז געשלאסן געווארן די שידוך פון א אייניקל ביי כ"ק אדמו"ר מסקאליע שליט"א, די חתן א זון פון זיין איידעם הגה"צ ר' אברהם שלמה כ"ץ שליט"א ראה"כ אור יצחק סקאליע, זון פון הגה"צ ר' חיים מרדכי כ"ץ שליט"א אבד"ק סלאוויטא, מיט די כלה א טאכטער פון הגה"צ ר' אברהם אליעזר ארנסטר שליט"א, זון פון הגה"צ ר' ישראל ארנסטר שליט"א, און איידעם ביי הגה"צ ר' מרדכי אדלער זצ"ל אבד"ק מנחה חדשה דזיקוב וויזניץ.
שמחת בית קאסאן – דעעש – קאמאדא: עס איז געשלאסן געווארן די שידוך פונעם חתן א זון פון הגה"צ ר' אברהם יחזקאל פריעדמאן שליט"א אדמו"ר מקאמאדא, איידעם ביי הגה"צ ר' יחיאל ישראל דאסקאל שליט"א, מיט די כלה א טאכטער פון הגה"צ ר' אברהם פאנעט שליט"א, זון פון כ"ק אדמו"ר מדעעש קרית יואל שליט"א, אייניקל פון כ"ק אדמו"ר מקאסאן שליט"א.
כ"ק אדמו"ר מוויזניץ שליט"א פון מאנטריאל קומט היינט אן אויף א בליץ באזוך פון איין טאג קיין ניו יארק, צו באשיינען די שמחת הווארט פון א אייניקל, און מנחם אבל זיין ביי הנגיד החסיד ר' שמואל פישמאן הי"ו פון מאנטריאל מגדולי תומכי המוסדות. היינט נאכט וועט דער רבי אנקומען קיין לעיקוואד, לבית האכסניא ביי הנגיד החסיד ר' יוסף אטלס הי"ו.
כ"ק אדמו"ר מישועת יעקב סקולען שליט"א קומט היינט אן צוגאסט קיין ארץ ישראל, צו באזוכן אין די מוסדות הקדושים חסד לאברהם אין אתרא קדישא מירון.
היינט נאכט קומט פאר א מעמד "שמחות תמיד" פאר כלל חסידי פאפא, פארצושטעלן פאר די חברי הקהילה פרישע הילף פלענער ביים חתונה מאכן בשעה טובה ומוצלחת, עס קומט פאר אין קאנטינענטאל זאל אין וויליאמסבורג, וואו הגה"צ ר' פנחס חיים גרינוואלד שליט"א אבד"ק פאפא מאנסי בן כ"ק אדמו"ר מפאפא שליט"א, וועט אויפטרעטן מיטן דבר האסיפה.
היינט נאכט ה' טבת געפאלט די יומא דהילולא קדישא פון הרה"ק בעל אביר יעקב מסאדיגורא זי"ע, א יארצייט סעודה קומט פאר אין ביהמ"ד אביר יעקב אין תל אביב.
אריינצושיקן מודעות און נייעס, שיקט אן אימעיל צו NEWS@JDNMAIL.COM
