פילע אדמורי"ם ורבנים וועלן היינט אפרעכטן די טישן לכבוד זאת חנוכה, און די מעמדי שריפת הפתילות כנהוג.
היינט קומט פאר א גרויסע עצרת תפלה אין ביהמ"ד הגדול אין קרית וויזניץ בני ברק, לרפואתו השלימה פון כ"ק אדמו"ר מוויזניץ שליט"א לרפו"ש, בעפארן זאת חנוכה טיש דורכ'ן רבי'ן שליט"א במעמד קהל רב.
היינט קומט פאר די מעמד סיום הש"ס וואס איז געלערנט געווארן דורך חברה ש"ס דחסידי בוהוש, עס קומט פאר ביים זאת חנוכה טיש פון כ"ק אדמו"ר מבוהוש שליט"א בבית מדרשו אין בני ברק.
היינט קומט פאר די שמחת הבר מצוה פון א אייניקל ביי כ"ק אדמו"ר מתולדות צבי ספינקא שליט"א, א זון פון זיין איידעם הגה"צ ר' יוסף מאיר פריעדמאן שליט"א, זון פון הגה"צ אבד"ק סעליש שליט"א, זון פון הגה"צ אבד"ק אולם שליט"א. – די שמחה קומט פאר אין ביהמ"ד סעליש אין וויליאמסבורג.
עס איז געשלאסן געווארן די שידוך פון א אייניקל ביי כ"ק הגה"צ גאב"ד טענקא שליט"א, די חתן א זון פון זיין זון הגה"צ ר' מרדכי פריעדמאן שליט"א רב ביהמ"ד יראי ה' אין קרית יואל, איידעם ביי הגה"צ ר' שמעון יואל וויינבערגער שליט"א גאב"ד וויטקא, מיט די כלה א טאכטער פון הגה"צ ר' יהושע העשיל ווייסמאנדל שליט"א, זון פון הגה"צ ר' אלי' יצחק ווייסמאנדל שליט"א מנייטרא, און איידעם ביי הגה"צ ר' זלמן לייב פילאפף שליט"א אבד"ק מכלל יופי וחבר ביד"ץ דקהל יטב לב ד'סאטמאר.
היינט קומט פאר די מעמד כתיבת האותיות פאר די ספר תורה וואס ווערט אריינגעגעבן צום בנין החדש פון תלמוד תורה בני ציון ד'באבוב בנין לייבל רובין, לעילוי נשמתו פון הנגיד החסיד ר' לייבל רובין ע"ה מגדולי התומכים בחצר הקודש באבוב, עס קומט פאר אינעם בנין התלמוד תורה מיט די באטייליגונג פון די טויזענטער ילדי התשב"ר.
היינט קומט פאר די מעמד הכנסת ספר תורה וואס ווערט אריינגעגעבן צום ביהמ"ד אשל אברהם סטריקוב אין בית שמש, אין שפיץ פון כ"ק אדמו"ר מסטריקוב שליט"א.
ניחום אבלים:
צו די פטירה פון הרבנית יאקאבאוויטש ע"ה, אשת חבר הגה"צ ר' יעקב שמשון יאקאבאוויטש שליט"א, און טאכטער פון כ"ק אדמו"ר מגארליץ זצ"ל, זיצן שבעה די בני המשפחה אין איר שטוב אויף רחוב רשב"ם אין בני ברק, איר מאן און אירע קינדער, די ברידער כ"ק האדמורי"ם מגארליץ און קאלאשיץ שליט"א און די אנדערע ברידער הרבנים שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
