א מאסיווע פייער אויפרייס האט פאסירט היינט פארטאגס אין שווייץ, ווען הונדערטער מענטשן זענען געווען פארזאמלט ביי א גרויסע צוזאמקום, צענדליגע זענען אומגעקומען אויפן פלאץ, און לויט די באריכטן איז פארהאן דריי אידן וואס זענען פארשוואונדן אין די סצענע.
די אויפרייס האט פאסירט אין שטאט קראנס מאנטאנא וואס געפונט זיך אויף די הויכע אלפן בערג אין שווייץ, די ארטיגע באאמטע זאגן אז עס איז נישט געווען קיין טעראריסטישע אקציע, נאר א מיסברויך ביים האנדלען מיט פייערונג ליכט און אלקאהאלישע געטראנקען האט געפירט צו די פייער אויפרייס. די געביידע איז געווארן איינגעהילט אין העלישע פלאמען, און פילע האבן צובראכן פענסטערס ארויסצושפרינגען פון דארט.
מאמענטאל זעהט עס אויס ווי די צאל אומגעקומענע שטייט ארום פערציג, אין צוגאב צו ארום הונדערט פארוואונדעטע, עטליכע מענטשן זענען פארלוירן, אריינגערעכנט דריי אידן לויט די באריכטן, און עסקנים פון די זק"א ארגענעזאציע האבן זיך ארויסגעלאזט אין וועג ארויסצוהעלפן מיט די זוכעריי.
