נאך צוויי וואכן זיצן אין טורמע פארן זיך נישט שטעלן צום ציוניסטישן מיליטער, זענען צוויי ישיבה בחורים באפרייט געווארן דעם ערב שבת קודש, און זענען אנטפאנגען געווארן מיט גרויס כבוד ביי א גרויסע מעמד קבלת פנים היינט זונטאג.
די רעדע איז פון הב' יאיר סעדה נ"י א תלמיד פון ישיבת כסא רחמים, וועלכער איז ארעסטירט געווארן מיט צוועלף טעג צוריק, און הב' יצחק רביבו נ"י, א תלמיד פון ישיבת רבינו חיים עוזר, וועלכער איז ארעסטירט געווארן מיט ניינצן טעג צוריק, פארן איינציגן זינט פון זיך נישט שטעלן צום מיליטער.
גרויסע פראטעסטן איז אפגעהאלטן געווארן דורכאויס די צוויי וואכן, און דעם פרייטאג זענען ביידע בחורים ב"ה באפרייט געווארן פון טורמע. קלענערע מעמדי קבלת פנים איז פארגעקומען פרייטאג, און היינט זונטאג איז אפגעהאלטן געווארן א גרויסארטיגע מעמד קבלת פנים פאר די צוויי בחורים, אין ביהמ"ד הגדול אין קרית נדבורנא בני ברק.
בראש המסובים האבן זיך משתתף געווען לכבודה של תורה ולומדיה, מרנן ורבנן ראשי ישיבת סלאבאדקע, הגאון הגדול רבי דוב לאנדא שליט"א, און הגאון הגדול רבי משה הלל הירש שליט"א. אזוי אויך האבן זיך אנגעזעהן מערערע ראשי ישיבות און גדולי הדור וואס האבן מחזק געווען די לומדי תורה.
