היינט קומט פאר א גרויסארטיגע עצרת קול שועתם בעיר הקודש ירושלים, על פי קריאת הקודש פון די גדולי הדור, מרנן האדמורי"ם מנהיגי החסידות, שרי התורה חברי ביד"ץ העדה החרדית, און די גדולי חכמי יהדות ספרד, עס קומט פאר אויף די גאסן פון רחוב ירמיהו און ארום, אויסצושרייען דעם וויי געשריי קעגן די רדיפת הדת מיט די גזירת הגיוס בארץ הקודש.
שמחת בית מודזיץ: עס איז געשלאסן געווארן די שידוך פון א אייניקל ביי כ"ק אדמו"ר ממודזיץ שליט"א, די כלה א טאכטער פון זיין זון הגה"צ ר' שמואל אליהו טאוב שליט"א, איידעם ביי הגה"צ ר' אליהו שטערן שליט"א אבד"ק אור המאיר רחובות, מיט די חתן א זון פון הרב אליקים שרגא שפירא שליט"א ראה"כ זוטשקא ירושלים, זון פון הנגיד החסיד ר' יצחק יהודה שפירא הי"ו.
עס איז געשלאסן געווארן די שידוך פונעם חתן א זון פון הגה"צ ר' משה קאהן שליט"א, זון פון הגה"צ אבד"ק דברי אמונה זצ"ל, און איידעם ביי הגה"צ אבד"ק פאיע שליט"א חבר ביד"ץ דקהל יטב לב ד'סאטמאר, מיט די כלה א טאכטער פון הגה"צ ר' יואל ראזענבערגער שליט"א, זון פון הגה"צ אבד"ק סוליצא וומס"ב שליט"א, און איידעם ביי הגה"צ ר' ברוך נתן האלבערשטאם שליט"א אבד"ק סאטמאר לאנדאן.
עס איז געשלאסן געווארן די שידוך פונעם חתן א זון פון הגה"צ ר' ישכר בעריש לעוו שליט"א אבד"ק בני שמעי' טעמעשוואר מאנסי, זון פון הגה"צ ר' שמעי' לעוו שליט"א נשיא תפארת אליעזר, און איידעם ביי הגה"צ אבד"ק סאלקא שליט"א, מיט די כלה א טאכטער פון הגה"צ ר' שלמה זלמן הורוויץ שליט"א, זון פון הגה"צ ר' נפתלי צבי הורוויץ שליט"א מראחוב לאנדאן, און איידעם ביי הגה"צ ר' נתן דוד ראזענבערגער שליט"א אבד"ק גמזו ודומ"ץ התאחדות הרבנים.
שמחת בית קאפיטשניץ: היינט קומט פאר די שמחת החתונה פון א אייניקל ביי כ"ק אדמו"ר מקאפיטשניץ שליט"א, די חתן א זון פון זיין זון הגה"צ ר' בנימין פלינטנשטיין שליט"א אב"ד קאפיטשניץ בית שמש, איידעם ביי כ"ק אדמו"ר מבאסטאן בית שמש זצ"ל, מיט די כלה א טאכטער פון הרב שמשון מאלינסקי שליט"א, אייניקל פון הרה"ק רבי אהרן מנחם מענדיל מאלעסק זי"ע. – די שמחת החתונה קומט פאר אין זאל אהלי פרידא אין בארא פארק.
היינט קומט פאר די שמחת החתונה פונעם חתן א זון פון הרב אהרן שמשון קליין שליט"א, זון פון הגה"צ אבד"ק טאב זצ"ל, און אייניקל פון כ"ק אדמו"ר מטריסק לאנדאן זצ"ל, מיט די כלה א טאכטער פון הרב שמואל צבי דאנציגער שליט"א, זון פון כ"ק אדמו"ר מאלכסנדר קליוולאנד שליט"א. – די שמחת החתונה קומט פאר אין זאל מערידיען גרענד אין וויליאמסבורג.
כ"ק אדמו"ר מבאבוב שליט"א לאזט זיך היינט ארויס אויפן וועג קיין נארט מיאמי פלארידע, וואו דער רבי וועט זיך אויפהאלטן די קומענדיגע וואכן אויף אפרוה.
כ"ק אדמו"ר מדינוב שליט"א לאזט זיך היינט ארויס אויפן וועג קיין וועסט פאלם ביעטש פלארידע, וואו דער רבי וועט זיך אויפהאלטן די קומענדיגע צוויי וואכן אויף אפרוה.
כ"ק אדמו"ר מפינסק קארלין שליט"א וועלכער איז צוגאסט די טעג אין ניו יארק לטובת מוסדותיו הקדושים, וועט היינט אנקומען קיין מאנסי, און זיך אויפהאלטן די קומענדיגע וואך בבית האכסניא ביי הרב החסיד ר' יואל יאקאב הי"ו.
היינט קומט פאר אין בארא פארק א מעמד קבלת פנים לכבודו פון כ"ק אדמו"ר מזוועהיל שליט"א, וועלכער איז צוגאסט די טעג אין ניו יארק לטובת מוסדותיו הקדושים, אין שטוב פון הרה"ג ר' יחזקאל עקיבא גראס שליט"א דומ"ץ בעלזא ב"פ.
כ"ק אדמו"ר מבאסטאן שליט"א וועלכער האט זיך אויפגעהאלטן די לעצטע צוויי חדשים אין ארץ ישראל לרגל עטליכע שמחות במעונו, קערט זיך היינט צוריק למעון קדשו אין שטאט באסטאן.
כ"ק אדמו"ר מבלאזוב ריבאטיטש שליט"א וועט היינט אויפדערנאכט אפרעכטן א לחיים טיש לרגל די הילולא קדישא פון זקינו דער הייליגער בני יששכר זי"ע, בבית מדרשו אין בארא פארק.
אריינצושיקן מודעות און נייעס, שיקט אן אימעיל צו NEWS@JDNMAIL.COM
