כ"ק אדמו"ר מוויזניץ שליט"א פון מאנסי לאזט זיך היינט ארויס אויפן וועג קיין לאס אנדזשעלעס, וואו דער רבי וועט זיך אויפהאלטן די קומענדיגע וואך לטובת מוסדותיו הקדושים.
כ"ק אדמו"ר מטשערנאביל שליט"א קומט היינט אן קיין דאוואס שווייץ, וואו דער רבי וועט זיך אויפהאלטן די קומענדיגע וואך אויף אפרוה.
כ"ק אדמו"ר מקארלין סטאלין שליט"א קומט היינט אן צוגאסט קיין ניו יארק, אויף א באזוך פון עטליכע טעג בקרב חסידיו, דער רבי שליט"א וועט זיך אויפהאלטן אין בארא פארק ביז איבער שבת, און פראווענען דעם שבת אין די גרויסע דע פאלאס זאל.
כ"ק אדמו"ר מוויזניץ שליט"א פון ירושלים לאזט זיך היינט ארויס אויפן וועג קיין דעזערט האט ספרינגס אין קאליפארניע, וואו דער רבי וועט זיך אויפהאלטן די קומענדיגע וואכן אויף אפרוה.
כ"ק אדמו"ר משומרי אמונים שליט"א וועלכער איז אנגעקומען אויף א מסע הקודש צו די קברי צדיקים אין פוילין, וועט היינט פוקד זיין די מקומות הקדושים אין דינוב, רימנוב, בלאזוב, און קראקא, און ביים ציון הק' פון הרה"ק מראפשיץ זי"ע אין שטאט לאנצוהט. שפעטער ביינאכט וועט דער רבי ארויספארן אויפן וועג צוריק אהיים קיין ארץ ישראל.
כ"ק אדמו"ר מקרעטשניף סיגעט וומס"ב שליט"א קומט היינט אן צוגאסט קיין ארץ ישראל, צו באשיינען די שמחת פדיון הבן פון א אייניקל וואס קומט פאר דעם מוצאי שבת קודש.
היינט קומט פאר א גרויסע מעמד לעלוב בתפארתו פאר כלל חסידי לעלוב, אוועקצושטעלן א קרן יסוד פאר די נייע בנין ביהמ"ד הגדול דחסידי לעלוב אין רמה ד' בית שמש, אין די קלעי זאל אין פתח תקוה, אין שפיץ פון כ"ק אדמו"ר מלעלוב שליט"א.
היינט קומט פאר די מעמד הקמת המציבה על קברו פון הגה"צ רבי משה אהרן רייך זצ"ל גאב"ד פשעווארסק וומס"ב, שטייענדיג אינעם ערשטן יארצייט היינט י"ט טבת, עס קומט פאר אויפן בית החיים אין פיטע האלאנד.
כ"ק אדמו"ר מצאנז זוועהיל שליט"א וועט היינט אויפדערנאכט אויפטרעטן מיט א שמועס לרגל ימי השובבי"ם, אינעם היכל המתיבתא אין יוניאן סיטי.
הגה"צ אבד"ק אמונת ישראל שליט"א וועלכער איז צוגאסט די טעג אין ארץ ישראל בקרב חסידיו, וועט היינט נאכט אויפטרעטן מיט א שמועס לרגל די ימי השובב"ים, אין ביהמ"ד תולדות יהודה סטוטשין אין ירושלים, בנשיאות אביו כ"ק אדמו"ר מתולדות יהודה סטוטשין שליט"א.
אריינצושיקן מודעות און נייעס, שיקט אן אימעיל צו NEWS@JDNMAIL.COM
