אין די גרויסער באיאנער קלויז אויף רחוב מלכי ישראל אין ירושלים, האט זיך אפגעשפילט היינט גרויסע נסים גלויים, ווען א שטיק שרויפנעל פון א איראנער מיסיל איז געפאלן אויפן בנין בית המדרש הגדול, און מיט גרויס חסדי ה' איז קיינער נישט פארוואונדעט געווארן דערפון.
די ווארענונג פייפערס האבן זיך צוקלינגען ארום דריי אזייגער נאכמיטאג ארטיגע זייגער, אלארמירנדיג איבער אנקומענדע מיסילס פון איראן, אלע אנוועזנדע אין ביהמ"ד זענען אריינגעלאפן אין די שעלטערס, און קורצליך דערויף איז געהערט געווארן א אויפרייס ווען א גרויסע שטיק שרויפנעל פון א מיסיל האט דורכגעלעכערט דעם דאך און צוגעברענגט מינימאלע שאדן.
נאך וואס עס איז באשטעטיגט געווארן אז קיינער איז ב"ה נישט געשעדיגט געווארן און עס איז נישט פארהאן א אקטיווע געפאר, האבן די עסקנים אנגעהויבן מיט די ווייטערדיגע פלענער זיך גרייטענדיג אצינד צו א גרויסע שמחה בבית צדיקים, די שמחת החתונה פון א אייניקל ביי כ"ק אדמו"ר מבאיאן שליט"א וואס איז באשטימט אויף דעם מיטוואך הבעל"ט.
היינט מאנטאג איז געווען באשטימט פארצוקומען די שמחת החתן מאהל אין ביהמ"ד הגדול, אבער צוליב די אינצידענט איז עס געווארן אפגערופן, אצינד ווערן געמאכט די פלענער פאר די גרויסע חתונה וואס איז אויך באשטימט פארצוקומען אין ביהמ"ד הגדול, אבער וועט שטארק מעגליך נישט קענען אפגעראכטן ווערן אין ביהמ"ד, אין די צייט וואס עס וועט געדויערן אביסל צו פאררעכטן די שאדן, דעריבער זוכן די עסקנים נאך א פאסיגע ארט וואו צו פראווענען די חתונה בשמחה וחדוה אן קיין שטער.
