א פייער האט אויסגעבראכן היינט צופרי ביי די וויזניצע מצה בעקעריי אויף קרעסט קאורט אין מאנסי, ווען די פייער אין די אויוון איז ארויס פון קאנטראל און האט זיך פארשפרייט צו די דאך פון די געביידע, פירנדיג צו א מאסיווע עמערדזשענסי רעספאנס אויפן סצענע.
די מצה בעקעריי וואס געפונט זיך אינעם בנין פון די וויזניצע מיידל שולע אויף קרעסט, איז בליץ שנעל עוועקואירט געווארן ווען די פייערלעשער האבן געארבעט צו פארלעשן די פלאמען וואס האט דורכגעבראכן די דאך און פאראורזאכט שאדן פאר יענעם אפטיילונג. בחסדי ה' איז נישט באריכטעט געווארן קיין גרעסערע שאדן, און די עיקר סטארעדזש פאר די געבאקענע מצות געפונט זיך אין א אנדערע לאקאציע.
די שאדן ביים מצה אויוון ווערט אצינד פארראכטן, מיטן האפענונג אז די ארבעט אין די בעקעריי זאל ווייטער קענען אנגיין בעז"ה לקראת יו"ט פסח הבעל"ט.
