היינט קומט פאר די מעמד הקמת המציבה על קברה פון הרבנית מקאזניץ ע"ה, אשת חבר כ"ק אדמו"ר מקאזניץ סיגעיט שליט"א, און טאכטער פון כ"ק אדמו"ר מקאסוב זצ"ל. עס קומט פאר אין די פארמיטאג שעות אויפן וויזניצע בית החיים אין מאנסי.
שמחת בית פאפא – סטראזניץ – תולדות מרדכי: עס איז געשלאסן געווארן די שידוך פונעם חתן א זון פון כ"ק אדמו"ר מתולדות מרדכי שליט"א, זון פון הגה"צ אבד"ק ראחמיסטריווקא מאנסי שליט"א, און איידעם ביי כ"ק אדמו"ר מלויעוו טשערנאביל שליט"א, מיט די כלה א טאכטער פון הגה"צ ר' פנחס חיים גרינוואלד שליט"א אבד"ק פאפא מאנסי, זון פון כ"ק אדמו"ר מפאפא שליט"א, און איידעם ביי כ"ק אדמו"ר מסטראזניץ שליט"א.
דעם שבת קומט פאר די שמחת הקידושא רבא פון א אייניקל ביי כ"ק אדמו"ר מדושינסקיא שליט"א, א טאכטער ביי זיין איידעם הגה"צ ר' יואל אהרן אייכלער שליט"א, זון פון הרה"ג ר' אלי' נחום אייכלער שליט"א, זון פון הגה"צ אבד"ק באיאן ב"פ זצ"ל, און איידעם ביי הרב החסיד ר' צבי אלימלך ווערצבערגער הי"ו ראש הקהל סאטמאר מאנסי. – די שמחה קומט פאר אין ביהמ"ד הגדול דושינסקיא אין ירושלים.
כ"ק אדמו"ר מוויזניץ שליט"א וועלכער איז צוגאסט די טעג אין ניו יארק, וועט פראווענען דעם שבת אין א האטעל אין ניו דזשערזי, אינאיינעם מיט די אינגעלייט וואס זענען אנגעשלאסן אינעם רבינ'ס חבורה לב וויזניץ.
כ"ק אדמו"ר מוויזניץ שליט"א פון קייאמישא איז צוגאסט אויף דעם שבת אין טאראנטא לטובת מוסדותיו הקדושים, די תפילות און טישן קומען פאר אין זאל פון בית יעקב, די אכסניא איז אין שטוב פון הנגיד החסיד ר' מרדכי איינהארן הי"ו.
כ"ק אדמו"ר מוויזניץ שליט"א פון בית שמש איז צוגאסט אויף דעם שבת אין מאנסי לטובת מוסדותיו הקדושים, די תפילות און טישן קומען פאר אינאיינעם מיט אחיו הגדול כ"ק אדמו"ר מוויזניץ שליט"א פון מאנסי אין ביהמ"ד הגדול וויזניץ אין מאנסי, די אכסניא איז אין שטוב פון הנגיד החסיד ר' חיים מאיר ציג הי"ו.
כ"ק אדמו"ר מלוצק שליט"א איז צוגאסט אויף דעם שבת אין פענסילוועניע, אויף א שבת התאחדות מיט כלל חסידיו פון אמעריקע, אין די רעטריעט האטעל נישט ווייט פון סקרענטאן.
כ"ק אדמו"ר מקהל חסידי ירושלים שליט"א איז צוגאסט אויף דעם שבת אין לעיקוואד לטובת מוסדותיו הקדושים, די תפילות און טישן קומען פאר אין ביהמ"ד דעת קדושים בוטשאטש, די אכסניא איז אין שטוב פון הנגיד החסיד בנש"ק ר' מרדכי יעקב סטראלאוויטש שליט"א.
כ"ק אדמו"ר מסקווירא מאנסי שליט"א וועלכער איז צוגאסט די טעג אין ארץ ישראל, וועט פראווענען דעם שבת אין די טשערנאבילער קלויז אין עיה"ק צפת.
הגה"צ ר' נחמיה אלתר שליט"א בן כ"ק אדמו"ר מגור שליט"א איז צוגאסט אויף דעם שבת אין שטאט גור אין פוילין, אינאיינעם מיט א געקליבענע צאל נדיבי לב תומכי המוסדות.
הגה"צ המשפיע ר' יצחק משה ערלאנגער שליט"א איז צוגאסט אויף דעם שבת אין מאנסי בקרב חסידיו, די תפילות און טישן קומען פאר אין זאל פון ווילחאוויץ.
כ"ק אדמו"ר מבאבוב שליט"א וויילט דעם שבת אין מיאמי פלארידע אויף אפרוה.
כ"ק אדמו"ר מסערט וויזניץ שליט"א וויילט דעם שבת אין צפת אויף אפרוה.
כ"ק אדמו"ר מלעלוב שליט"א וויילט דעם שבת אין צפת אויף אפרוה.
כ"ק אדמו"ר מדזיקוב וויזניץ שליט"א וויילט דעם שבת אין צפת אויף אפרוה.
כ"ק אדמו"ר מוויזניץ שליט"א פון מאנטריאל וויילט דעם שבת אין מאנטיבעלא געגנט אין מאנסי אויף אפרוה.
כ"ק אדמו"ר מזוועהיל שליט"א וויילט דעם שבת אין מעלה עמוס אויף אפרוה.
כ"ק אדמו"ר מסקולען שליט"א פון מאנסי וויילט דעם שבת אין האט ספרינגס קאליפארניע אויף אפרוה.
אריינצושיקן מודעות און נייעס, שיקט אן אימעיל צו NEWS@JDNMAIL.COM
