נאכפאלגענדיג די שרעקליכע אטאקעס אויף אידישע איינוואוינער אין די גאלדערסגרין געגנט אין לאנדאן, האט דער קעניג פון גרויס בריטאניע טשארלס דער דריטער באזוכט היינט צווישן די אידישע איינוואוינער אין די געגנט, צו צייגן סאלאדיריטעט מיט די ארטיגע איינוואוינער און ארויסברענגען צום אויבערפלאך די שטארקע קאמף קעגן אנטיסעמיטיזם.
דער קעניג איז געקומען אין באגלייטונג פון הויכראנגיגע פאליטיקאנטן אין ענגלאנד, דער בריטישער הויפט רב הרב אפרים מירוויס און נאך הויכע פערזענליכקייטן, דער קעניג האט זיך אפגעשטעלט שמועסן מיט אנוועזנדע אידן און געהערט איבער זייערע זארגן אין ליכט פון די פארמערטע צאל אנטיסעמיטישע אטאקעס, און פילע אידן אויפן גאס האבן אויסגעשריגן לויב ווערטער פארן קעניג.
א ספעציעלע שמועס האט זיך פארמירט מיט די שומרים וואלאונטירן וועם דער קעניג האט אויסגעלויבט פארן שטיין צו הילף און באוואכן די אידישע איינוואוינער, אזוי אויך האט דער קעניג געשמועסט מיט די געשעדיגטע פון די שרעקליכע שטעכעריי טעראר אטאקע מיט צוויי וואכן צוריק, וואס ערהוילן זיך בחסדי ה'.
