טשערנאבילער חסידים זענען היינט געכאפט געווארן אין שאק, נאך וואס עס איז באקאנט געווארן אז עס האט זיך אפגעשפילט א געוואגטע רויבעריי אין שטוב פון כ"ק אדמו"ר מטשערנאביל שליט"א בבנין ביהמ"ד הגדול טשערנאביל אויף רחוב חבקוק אין בני ברק.
געווען איז עס פארלאפענעם נאכט ווען עטליכע פארמאסקירטע פארברעכער האבן זיך איינגעבראכן אינעם רבינ'ס צימער אין ביהמ"ד, און אפגעטראגן פון דארט גאר ווערדפולע זילבער שטיק, מיט וואס דער רבי שליט"א באנוצט זיך ביים טיש יעדן שבת. ווי די מקורבים זאגן האנדלט זיך עס פון א אומגעהויערע שאדן פון צענדליגע טויזענטער שקלים, און ווי עס שיינט האבן די פארברעכער געוואוסט גענוי וואס צו נעמען, וויבאלד די נישט טייערע חפצים האבן זיי דארט געלאזט.
היינט מיטוואך איז די פאליציי אנגעקומען אויפן ארט און געעפנט א אפיציעלע אויספארשונג אויף די רויבעריי, אין די צייט וואס די פאליציי איז נאך פארנומען מיט א כוואליע רויבערייען וואס פלאגט די היימישע געגנט אין בני ברק.
