כ"ק אדמו"ר מוויזניץ שליט"א פון מאנסי קומט היינט אן צוגאסט קיין לאס אנדזשעלעס, וואו דער רבי שליט"א וועט זיך אויפהאלטן די קומענדיגע צוויי וואכן אויף אפרוה, אין שטוב פון הנגיד החסיד ר' שמואל בנימין איינהארן הי"ו.
היינט קומט פאר די שמחת הברית פון א אייניקל ביי כ"ק אדמו"ר מניקלשבורג שליט"א, בן הנולד ביי זיין זון הרב חיים דוד דוב לעבאוויטש שליט"א, איידעם ביי הגה"צ ר' אליעזר יחזקאל שרגא לאנדא שליט"א, זון פון הגה"צ אבד"ק עדעלין קערעסטיר שליט"א, און איידעם ביי הגה"צ ר' יעקב אלי' אונסדארפער שליט"א אבד"ק מתיבתא ראשית חכמה מאנטריאל. – די שמחה קומט פאר אין ביהמ"ד ניקלשבורג אין מאנסי.
עס איז געשלאסן געווארן די שידוך פון א אייניקל ביי כ"ק אדמו"ר משאץ שליט"א פון ב"ב, די חתן א זון פון זיין זון הגה"צ ר' שלום אלעזר מאסקאוויטש שליט"א, מיט די כלה א טאכטער פון הגה"צ ר' ישראל יצחק שטאקהאמער שליט"א, זון פון כ"ק אדמו"ר מקאמארנא רמת שלמה שליט"א.
דעם שבת קומט פאר די שמחת הקידושא רבא פון א אור אייניקל ביי כ"ק אדמו"ר מבעלזא שליט"א, אייניקל פון בנו יחידו הגה"צ ר' אהרן מרדכי רוקח שליט"א, איידעם ביי כ"ק גאב"ד מאקאווא שליט"א, עלטסטע קינד ביי זיין יונגסטן איידעם הרב אלימלך פענסטער שליט"א. – די שמחה קומט פאר אין ביהמ"ד הגדול אין קרית בעלזא ירושלים.
דעם שבת קומט פאר די שמחת הברית פון א אייניקל ביי כ"ק אדמו"ר מראחמיסטריווקא שליט"א פון וומס"ב, איידעם ביי הגה"צ אבד"ק ראחמיסטריווקא מאנסי שליט"א, בן הנולד ביי זיין איידעם הרב מנחם מענדיל רובין שליט"א, זון פון כ"ק אדמו"ר מבריזדוביץ שליט"א, איידעם ביי כ"ק אדמו"ר מסטריזוב שליט"א. – די שמחה קומט פאר אין ראחמיסטריווקא ביהמ"ד אין מאנסי. דער זיידע כ"ק אדמו"ר מראחמיסטריווקא שליט"א פון וומס"ב איז צוגאסט אויף שבת אין מאנסי לכבוד די שמחה, בצל חותנו הגה"צ אבד"ק ראחמיסטריווקא מאנסי שליט"א.
דעם שבת קומט פאר די שמחת הקידושא רבא פון א דאפלטע אור אייניקל ביי כ"ק אדמו"ר מסלונים שליט"א, בת הנולדה ביי הרב מנחם נחום ברזובסקי שליט"א, זון פונעם רבינ'ס זון הגה"צ ר' ישראל ברזובסקי שליט"א אב"ד סלונים ביתר, און איידעם ביים רבינ'ס איידעם הגה"צ ר' פנחס אליעזר שלאף שליט"א. – די שמחה קומט פאר אין ביהמ"ד הגדול סלונים אין ירושלים.
דעם שבת קומט פאר די שמחת השבע ברכות פונעם חתן א זון פון הגה"צ ר' אהרן קאפף שליט"א ראש ישיבת נועם התורה, זון פון כ"ק אדמו"ר מלעלוב בראנוביץ זצ"ל, און איידעם ביי הגה"צ ר' יעקב אלי' האראנטשיק שליט"א אדמו"ר מלעלוב הר יונה, מיט די כלה א טאכטער פון הגה"צ ר' אברהם מתתיהו לעמבערגער שליט"א אבד"ק מאקאווא אלעד, איידעם ביי הגה"צ ר' סיני האלבערשטאם שליט"א גאב"ד צאנז שיכון ג'. – די שמחת השבע ברכות קומט פאר אין ביהמ"ד מאקאווא אין אלעד.
כ"ק אדמו"ר מראחמיסטריווקא שליט"א איז צוגאסט אויף דעם שבת אין מחנה אהל יצחק ראחמיסטריווקא אין גרינפיעלד פארק.
כ"ק אדמו"ר מקהל חסידי ירושלים שליט"א איז צוגאסט אויף דעם שבת אין קרית יואל לטובת מוסדותיו הקדושים, די תפילות און טישן קומען פאר אין זאל פון קרן ויואל משה, די אכסניא איז אין שטוב פון הנגיד החסיד ר' שאול צבי פערלמוטער הי"ו.
כ"ק אדמו"ר מספינקא שליט"א וועלכער איז אנגעקומען צוגאסט קיין ארץ ישראל בקרב חסידיו, וועט פראווענען דעם שבת בבית מדרשו אויף רחוב ראשית חכמה אין ירושלים.
כ"ק אדמו"ר מאלעסק שליט"א איז צוגאסט אויף דעם שבת אין וואודבארן אין די קעטסקילס, אין שטוב פון הרה"ג ר' יוסף מרדכי שווארץ שליט"א. די תפילות און טישן און מלוה מלכה מלכה וועט געפראוועט ווערן אין ביהמ"ד אור החיים.
כ"ק אדמו"ר מבלאזוב ריבאטיטש שליט"א איז צוגאסט אויף דעם שבת אין ירושלים עיה"ק, די תפילות און טישן קומען פאר אין היכל כולל גור אויף רחוב יוחנן הסנדלר.
כ"ק אדמו"ר משאץ וויזניץ שליט"א איז צוגאסט אויף דעם שבת אין גאלדערסגרין געגנט אין לאנדאן לטובת מוסדותיו הקדושים, די אכסניא איז אין שטוב פון הנגיד החסיד ר' משה ווייס הי"ו, די טיש פרייטאג צונאכטס קומט פאר אין שטוב פון הרה"ג ר' הערשל האגער שליט"א אב"ד עטרת צבי.
הרב חיים מאיר רוקח שליט"א אייניקל פון כ"ק אדמו"ר מבעלזא שליט"א איז צוגאסט אויף דעם שבת בקרב חסידי בעלזא אין אנטווערפן.
כ"ק אדמו"ר מסאטמאר שליט"א וויילט דעם שבת אין בעטלהעם ניו העמפשער אויף אפרוה.
כ"ק אדמו"ר מסאטמאר שליט"א וויילט דעם שבת אין מחנה דברי יואל אין סוואן לעיק אויף אפרוה.
כ"ק אדמו"ר מסקווירא שליט"א וויילט דעם שבת אין מאליבו קאליפארניע אויף אפרוה, אזוי אויך וויילט דארט אויף אפרוה דעם רבינ'ס איידעם כ"ק אדמו"ר מראחמיסטריווקא שליט"א פון מאנסי.
כ"ק אדמו"ר מצאנז שליט"א וויילט דעם שבת אין קיסריה אויף אפרוה.
כ"ק אדמו"ר מבאיאן שליט"א וויילט דעם שבת אין מושב אבני איתן אויף אפרוה.
כ"ק אדמו"ר מבאבוב שליט"א וויילט דעם שבת אין ווייט לעיק אויף אפרוה.
כ"ק אדמו"ר מפאפא שליט"א וויילט דעם שבת אין קרית פאפא וועסטשעסטער בקרב תלמידי הישיבה.
כ"ק אדמו"ר מתולדות אברהם יצחק שליט"א וויילט דעם שבת אין הר יונה אויף אפרוה.
כ"ק אדמו"ר מתולדות אהרן שליט"א וויילט דעם שבת אין מאד אונגארן אויף אפרוה.
כ"ק אדמו"ר מטאהש שליט"א וויילט דעם שבת אין אפ נארט קאנאדע אויף אפרוה.
כ"ק אדמו"ר מוויזניץ שליט"א וויילט דעם שבת אין מאלויע שווייץ אויף אפרוה.
כ"ק אדמו"ר מוויזניץ שליט"א פון מאנסי וויילט דעם שבת אין לאס אנדזשעלעס אויף אפרוה.
כ"ק אדמו"ר מוויזניץ שליט"א פון וומס"ב וויילט דעם שבת אין מחנה אהבת ישראל וויזניץ אין ליבערטי אויף אפרוה.
כ"ק אדמו"ר מוויזניץ שליט"א פון ב"פ וויילט דעם שבת אין מחנה בנות ישראל וויזניץ סאוט פאולסבורג אויף אפרוה.
כ"ק אדמו"ר מסקולען שליט"א וויילט דעם שבת אין מחנה מראה יחזקאל אין די קעטסקילס אויף אפרוה.
כ"ק אדמו"ר מסאדיגורא שליט"א וויילט דעם שבת אין קיצוויל עסטרייך אויף אפרוה.
כ"ק אדמו"ר מקאשוי שליט"א וויילט דעם שבת אין מחנה ברכת שמים קאשוי אין אלסטערהייטס בקרב תלמידי הישיבה.
כ"ק אדמו"ר מבית יצחק ספינקא שליט"א וויילט דעם שבת אין פליישמאנס רעזארט אויף אפרוה.
כ"ק אדמו"ר מתולדות צבי ספינקא שליט"א וויילט דעם שבת אין קרית יואל אויף אפרוה, די תפילות און טישן קומען פאר בבית מדרשו אויף טעטש קט.
כ"ק אדמו"ר מקראלי שליט"א וויילט דעם שבת אין מחנה זרע אברהם קראלי אין סאוט פאולסבורג אויף אפרוה.
כ"ק אדמו"ר מסקאליע שליט"א וויילט דעם שבת אין מחנה סקאליע אין סאוט פאולסבורג אויף אפרוה.
כ"ק אדמו"ר מבית חיים יהושע שליט"א וויילט דעם שבת אין הילקרעסט קאנטרי אויף אפרוה, אין שטוב פון הנגיד החסיד ר' חיים שווייד הי"ו.
כ"ק אדמו"ר מפיטסבורג שליט"א וויילט דעם שבת אין עסטרייך אויף אפרוה.
כ"ק אדמו"ר מבישטינא שליט"א וויילט דעם שבת אין דאוואס שווייץ אויף אפרוה.
דעם מוצאי שבת קודש כ' תמוז געפאלט די יומא דהילולא קדישא פון כ"ק אדמו"ר מסערט וויזניץ זצ"ל בעל חכמת אליעזר, בנו ממלא מקומו כ"ק אדמו"ר מסערט וויזניץ שליט"א וועט אפרעכטן די יארצייט טיש מוצאי שבת קודש אין ביהמ"ד הגדול אין רמת וויזניץ חיפה, און צומארגנס זונטאג פוקד זיין דעם ציון הק' אויפן וויזניצע בית החיים אין בני ברק בראש קהל חסידיו.
