דעם ערב שבת קודש איז הגה"צ ר' יעקב מרדכי האגער שליט"א אב"ד וויזניץ אלעד, בנו הצעיר פון כ"ק אדמו"ר מוויזניץ שליט"א לרפואה שלימה, ארויסגעקומען מיט א קריטישן רוף צו כלל חסידי וויזניץ די בכל אתר ואתר, צו מתפלל זיין און מעורר זיין רחמי שמים לרפואת אביו הגדול דער רבי שליט"א, וועלכער געפונט זיך ליידער אין זייער א שוואכן צושטאנד און איז אנגעוואנדן אויף גרויס רחמי שמים.
דער רב שליט"א האט אויפגעטרעטן מיט קורצע דברי התעוררות אין א רעקארדירונג פאר כלל חסידי וויזניץ, וואו ער האט אדרעסירט די שווערע מצב הבריאות ביים רבי'ן, ווען דער רבי מוטשעט זיך שוין ליידער צוויי פיינפולע יארן מיט ביטערע יסורים ומכאובים, און ליידער זעהט מען נאכנישט קיין עק לויט די דאקטוירישע שאצונגען, און מען דארף איינרייסן ביים בורא כל עולמים אז דער רבי זאל זיך ערהוילן און צוריקקומען צו די כוחות, מען זאל קענען אפרעכטן די הייליגע טעג באנפין נהירין.
