א זעלטן רירנדע מאמענט האט זיך אפגעשפילט דעם דאנערשטאג בביתו נאוה קודש פון כ"ק אדמו"ר מתולדות אברהם יצחק שליט"א אין ירושלים עיה"ק, ווען מען האט אריבערגעברענגט צום רבי'ן א הויפן היסטארישע ירושה ספרים מעזבונם פון זיינע גרויסע זיידעס, און דער רבי שליט"א האט מעיין געווען דערין א לענגערע צייט בחרדת ובחיבת קודש.
די דאזיגע ספרים איז געווען באוצרו הטוב פונעם רבינ'ס פאטער כ"ק אדמו"ר מתולדות אהרן זצ"ל בעל דברי אמונה, א גרויס טייל דערפון קומט נאך פונעם רבינ'ס זיידן הגאון הגדול המפורסם רבי שמואל העללער זצ"ל, וואס דער תולדות אהרן רבי זצ"ל האט געלאזט צוואה אז מען זאל דאס נישט צוטיילן אין די ירושה צווישן די קינדער, נאר עס האלטן אין א אפגעהיטענע פלאץ עד ביאת המשיח.
נאך וואס כ"ק אדמו"ר מתולדות אברהם יצחק שליט"א האט שוין א לענגערע תקופה אויסגעדרוקט רצון קדשו צו זעהן די ספרי קודש, האט מען עס אריבערגעברענגט צום רבי'ן דעם דאנערשטאג, און דער רבי האט מעיין געווען דערין א לענגערע צייט מיט א זעלטענע חביבות.
