כלל חסידי וויזניץ גרייטן זיך צום מארגענדיגן טאג מיט א ערנסטקייט בתפילה ובתחנונים, נאך וואס עס איז געמאלדן געווארן פונעם רבינ'ס שטוב אז דער רבי שליט"א וועט אריבערגיין א מעדיצינישע פראצעדור אויפן הארץ, מיטן האפענונג פאר געוואונטשענע רעזולטאטן.
ווי באקאנט מוטשעט זיך דער רבי שליט"א מיט די ביטערע מחלה ה"י שוין צוויי יאר, מיטן אויבערשטנס הילף איז דער רבי שליט"א ממשיך בעבודת קדשו טראץ די שווערע יסורים און מיטמאכענישן, אבער אצינד פעלט זיך אויס דורכצופירן א פראצעדור אריינצושטעלן א פעיסמעיקער ביים הארץ, דער רבי זאל האבן די כוחות אנצוגיין מיט די עבודת הקודש עוד רבות בשנים.
מארגן דינסטאג אכט דרייסיג אינדערפרי וועט מען דורכפירן דעם פראצעדור אין די הדסה שפיטאל אין ירושלים, און מטעם דעם רבינ'ס שטוב איז ארויסגעלייגט געווארן א בקשה פאר אלפי חסידי וויזניץ די בכל אתר ואתר מען זאל מתפלל זיין און מעורר זיין רחמי שמים לזכותו ולבריאותו השלימה פונעם רבי'ן, כ"ק מרן ישראל בן לאה אסתר לרפואה שלימה.
אין די צייט פון די פראצעדור וועט פארקומען פילע מניני תהלים אין די וויזניצע בתי מדרשים און ביי די מקומות הקדושים, אין אתרא קדישא מירון, ביים שריד בית מקדשינו דער כותל המערבי, און ביים ציון הק' פון אדמור"י בית וויזניץ זי"ע אין בני ברק.
