כלל ישראל ווערט געבעטן צו דאווענען און מעורר זיין רחמי שמים לרפואת דער זקן האדמורי"ם בדורינו כ"ק אדמו"ר מסטריזוב שליט"א, וועלכער איז אפגעפירט געווארן אין שפיטאל נאכן ליידן פון א לונגען אנטצינדונג, און איז אנגעוויזן אויף תפילות ישראל.
דער רבי שליט"א האט זיך נישט גוט געשפירט די לעצטערע טעג, און איז נעכטן דינסטאג אריינגעפירט געווארן צו די מאונט סיני שפיטאל אין מאנהעטן, וואו די דאקטוירים האבן פעסטגעשטעלט אז דער רבי ליידט פון א לונגען אנטצינדונג וואס דארף באהאנדלט ווערן.
צוליב דעם האט דער רבי שליט"א זיך נישט געקענט משתתף זיין ביים שמחת החתונה פונעם רבינ'ס אור אייניקל, וואס איז פארגעקומען נעכטן נאכט אין ביהמ"ד הגדול ראחמיסטריווקא אין בארא פארק, די חתן א אייניקל פון כ"ק אדמו"ר מראחמיסטריווקא שליט"א, מיט די כלה א אייניקל פונעם רבינ'ס איידעם הגה"צ אבד"ק ציעשנוב שליט"א.
אידישע קינדער זענען מתפלל פארן רבינ'ס געזונט און אריכת ימים, על זקני שארית עמך בית ישראל, כ"ק מרן צבי בן מלכה בתוך שאר חולי ישראל, ווי דער רבי שליט"א איז זיך כסדר מזכיר פאר גדולי ישראל זאגענדיג אז זיין נאמען איז ראשי תיבות צ'לותהון ב'כן מ'קבל.
